Kòrsou den final Little League World Series awe djadumingu 28 di ougùstùs
WILLEMSTAD- Kòrsou a gana Chinese Taipei ku sor di 1-0 i pasa pa final di Little League World Series. E gran final lo tuma luga awe, djadumingu 28 di ougùstùs 2022 pa 3’or pm. E selekshon di Kòrsou a bira kampion Internashonal i a risibí nan banderin despues di wega djasabra 27 di ougùstùs. Kòrsou lo topa ku Hawai (West) ku a gana di Southeast ku skor di 5 pa 1 djasabra. Na 2019 tambe Kòrsou a bira kampion internashonal.
Reangelo De Caster tabata hermetiko tirando 4.2 innning i tuma solamente 4 hit pa sero kareda. Qshondrickson Doran a tira 1 ining i 1 tersio pa salba e wega. Reangelo Decaster tabata e picher ganadó. Jaydion Louisa a bati di 1-1 i empuhá e kareda pa gana wega.
NUMERITONAN
Kòrsou a nota 1 kareda, dal 3 hit i hunga sin eror. Reangelo de Caster a gana i Jaydion Louisa a bati di 1-1.
Chines Taipei no a skor kareda, nan a dal 4 hit i hasi 1 eror. Li Fang-Mo tabata e picher pèrdèdó i Wu Hsuan -Hung i Hsu-Ta Sheng a bati di 1-1. Liao Yuan-Shu a bati di 3-2.
