Kòrsou den gran final di Sòftbòl Femenino Karibe (ECASC) djadumingu 4or kontra di US Virgin Islands
SINT JOHN – E selekshon di Sòftbòl Femenino Fastpitch di Kòrsou a yega final invikto i lo hunga awe, djadumingu, 5 di mart pa 4'or pm kontra di e ekipo di kas, US Virgin Islands. Kòrsou a hunga 5 wega den e buelta regular I gana tur wega fasil. Djasabra riba e ultimo fecha di e buelta regular Kòrsou a gana British Virgin Islands 12-0 I Sint Maarten 14 pa 1. Por sigi e wega final di djadumingu via di e site https://www.usvisoftballfederation.org/
Nos tin e relato ofishal di Curacaose Softball Bond (CSB).
KORSOU DEN GRAN FINAL ECASC 2023
Resultado resultado wega Kòrsou VS British Virgin Islands
E Selekshon di Kòrsou patrosiná pa MCB i FDOK djasabra, 4 di mart a hunga nan di 4 i 5 wega di e torneo klasifikatorio di ECASC kontra su similar di British Virgin Islands.
Minshenou Marselia ta konektá 2 hit den 2 turno na bate, anotá 2 kareda i empuhá 5 di e 12 kareda nan di Kòrsou. Richelle van Gennip riba pichando a bai e ruta kompletu e no a permití niun hit, a tira 8 ponche pa su wega sin hit sin kareda, pa nos Selekshon Nashonal di Sòftbòl Femenino gana di British Virgin Islands ku skore di 12 pa 0.
Kòrsou a kuminsá e wega ku un atake bestial di 7 kareda den e promé inning i 5 kareda pa totalisa 12 kareda pa e Kòrsou su di 4 nòkout den e torneo klasifikatorio di ECASC.
Resultado resultado wega Kòrsou VS St. Maarten
E Selekshon di Kòrsou patrosiná pa MCB i FDECA djasabra, 4 di mart a hunga nan di 2 wega den e torneo klasifikatorio di ECASC promé kontra di BVI i despues kontra St. Maarten.
Kòrsou ta klasifiká invikto pa e Gran Final di e torneo klasifikatorio di ECASC djadumingu 5 di Mart 2023
Jandely Ricardo ta bati di 3-3 i impuga 3 kareda, Joanni Benita 4-2 3 empuhá ku 1 homerun, Deidra Da CostaGomez 3-3 . Pichando Suheidy Faneyt a lansa 5 inning permití 1 kareda,3 hit pa blankia St. Maarten ku skore di 15 pa 0.
Kòrsou : 15 kareda 12 hit 2 eror
Djadumingu den e Gran Final Kòrsou ta bai enfrentá e anfritiòn US Virgin Islands
E wega aki lo tuma lugá 4or di atardi. Wak p’abo ta klaba.
