Kòrsou kontra Australia den Little i kontra Canada den Junior

WILLIAMSPORT/TAYLOR – Selekshonnan di Kòrsou ta den gran forma aya na USA i lo hunga djaweps 17 di ougùstùs den Mundial di Beisbòl. Selekshon Little League den representashon di Karibe lo hunga kontra Australia pa 1’or na Williamsport i e selekshon Junior ku ya tin un viktoria lo hunga mesun djaweps pa 4’or kontra di Canada na Tayor (Michigan) . Selekshon Junior a gana nan promé wega ku skor di 8-0 kontra di e ekipo Cheko den represnetashon di Europa/Afrika.  Nos tin mas detaye, portrèt nòmber di e hungadónan i sifra di wega di Junior entre Kòrsou i Republica Cheka.

Tim Junior durante seshon di saka portrèt na Taylor (Michigan).

JUNIOR TA GANA

Selekshon Junior a sali bon ku un viktoria di 8-0 riba e representashon di Europa/Afrika. Kòrsou Junior a gana e ekipo Cheko ku skor di 8-0 i ta pendiente pa wega number 2 kontra di Canada djaweps 4’or di atardi. D’Shawn Martina a bati di 2-2 ku un homerun. Reagan Randt Kirindongo di 1-1 ku 2 base por bola i un kareda empuhá.

Tim ku bandera di Kòrsou i RBC promé ku wega.

Shackleyson Margarita di 1-1 ku 1 RBI, Kaelin Daal mesun kos. E gran estrea di e wega tabata Jaydiar Kopra ku a lansa 7 inning kompletu, tira 90 bala di kual 51 tabata straik. Ela tira 3 base por bola. Kopra ta tuma 3 hit i 0 kareda den un tremendo aktuashon. Jaydiar Kopra por tira te djasabra bèk na momentu ku Kòrsou lo ta den un probabel final internashonal.

Kòrsou a dal 10 hit i hunga sin eror. Jaydiar Kopra a gana.D’Shawn Martina di 2-2. Republica Cheka a dal 3 hit I hunga sin hasi eror.

Fanátikonan di Kòrsou aya na Taylor.
Numeritonan.

RBC na airport

Selekshon Junior League ta representá Kòrsou na kampionato Mundial na Taylor, Michigan

‍

Selekshon Junior League di Liga Pabou ku resientemente a bira kampion na Kòrsou a sali

djasabra 12 di ougùstùs 2023 pa Taylor, Michigan, pa representá Latino America den e kampionato

Mundial ku ta start 13 di ougùstùs i terminá dia 20 di ougùstùs 2023.

Sharier Dorand di RBC i selekshon di Junior.

RBC Royal Bank spònser di Little League representá pa sr. Sharier Dorand manera ta kustumber tabata

presente pa deseá e hóbennan éksito.

E selekshon ta formá pa e siguiente hungadónan: Reegan Randt Kirindongo, Derrickson Doran, Victor

Nieves Mack, Isaac Acosta, Rigedon Raap, Jaydiar Kopra, Zazil Schoop, Dave-Jay Rijke, Schackleyson

Margaritha, Gilventon Josephina, Claeten Sille, D-Shawn Martina Casimir, Akeelah Rojer i Kaelen Daal.

Manager di e selekshon ta Ludson Roberto asistí pa coachnan Johannes Gregorius Sr. i Latif Correa. Sr.

Eran Neuman ta hefe di delegashon.

Sharier Dorand ta papia ku e delegashon na aeropuerto promé ku nan subi avion rumbo Miami padespues sigi pa Taylor (USA). Sr. Sharier Dorand a bisa nan pa hasi nan bèst, saka kara di Kòrsou i a deseánan éksito.
Selekshon Junior ta yel.

‍