Kòrsou kontra Canada djasabra den Stadion Ergilio Hato
WILLEMSTAD -Nos ta den e siman di e gran partido kaminda nos selekshon nashonal lo topa kara kara ku e selekshon di Canada djasabra awor, 25 di mart 2023 pa 9’or di anochi den Stadion Ergilio Hato!
E siman aki ku buelo di Tui, e hungadónan di nos selekshon i parti di e staf residensiá den eksterior a yega Kòrsou pa kontinuá ku e preparashonnan pa nos wega di djasabra awor kontra Canada! Nos hungadónan a yega bon i lo bai sosegá pa mañan kuminsá ku e práktikanan pa nos partido di djasabra.
Karchinan ta na benta i ta optenibel na diferente punto rònt Kòrsou! Bo por kumpra bo karchi ‘online’ via Caribbeanticketshop; https://caribbeanticketshop.com/.../curacao-canada-25-03... i tambe na siguiente puntonan di benta;
• Ofisina di FFK
• Changes Pro Sports
• Pòmp di gasolin Sta Maria
• Botika Mampuritu
• 4th of July snèk
• Sentronan di pago Tu y Yo
• Van den Tweel Supermarket
• Mensing's Caminada
Entrada pa e partido entre nos selekshon i Canada ta kosta fl.25,- general miéntras VIP ta kosta fl.175,- ku konsumo inkluí.
Pa e partido aki lo tin un ‘fan zone’ di mitar di 7 pa mitar di 9 di anochi pafó di stadion pa un i tur por disfrutá promé ku e wega. E ‘fan zone’ aki ta un área kaminda fanátikonan por partisipá na diferente wega pa gana premionan atraktivo serka nos spònsernan Tui, Uralco i Blue Bay pero tambe por kumpra bo suèter di nos selekshon nashonal òf merkansia di YDK. Por disfrutá di músika di Dj Jaystax i dal un serbes òf un refresko serka nos spònsernan, Distribier i Coca-Cola.
Un ambiente tur afó komo antesala di e tremendo partido di nos selekshon nashonal i Canada!
Buska bo karchi trempan, promé ku ta lat!
Nos ta topa djasabra awor 9’or di anochi de Stadon Ergilio Hato!
