Kòrsou kontra di Republica Dominicana den gran final di Little League Karibe awe djasabra 15 di yüli pa 1.30 pm
YABUCOA - Selekshon di Kòrsou lo hunga final di kampionato di Karibe di Little League djasabra 15 di yüli pa 1.30 pm kontra Republica Domincana na Puerto Rico (Yabucoa). Wega final lo keda transmití pa Deporte Aktivo riba Facebook i Radio Hoyer. Kòrsou a gana e selekshon di Guayama ku skor di 11-1 den semi-final djabièrnè 14 di yüli. Jay-Dlyn Wiel a keda anunsiá komo picher habrido pa manager Zaino Everett.
****** Breaking News ******
Wega final lo kuminsá mas lat debí na awaseru i mal estado di tereno
E hungadónan di selekshon ta Joshua Acosta Fernandez, Juan Ramon Cleto Ferreras, Nasir El-Ossais, Javery Felicia, Helmir Helmijr, Yaedon Lourens Martie, Nathan Nahr, Alexander Provacia Roach, Sean Serverie, Shemar Sophia Jacobus, Jay-Dlynn Wiel i D’Shawn Winklaar.
Manager di e selekshon ta Zaino Everret asistí pa coachnan Ringemar Raap i Ildion Martina. Hefenan di delegashon di Kursley Kuwas i Eugene Sambo. E Hefenan di delegashon di Kursley Kuwas i Eugene Sambo.
RESULTADO AYERA
Kòrsou ta dal Puerto Rico (Guayama) 11-1 i pasa pa final
YABUCOA – Selekshon di Kòrsou Pabou ku tremendo picheo Ferreras i homerun di Jaydlin Wiel ta gana di Puerto Rico (Guayama) i klasifiká pa final di kampionato di Karibe di Beisbòl Little League. E picher Juan Ramon Ferreras tabata den gran forma atrobe ku tremendo picheo tumando solamente un hit. Jay-dlin Wiel a bati di 2-1 i Yaedon Lourens Martie a bati di 2-2.
Jay-Dlyn Wiel ta anunsiá komo picher habrido mayan ku e otro picher Hemir Helmijr den relevo. E wega ta programa pa start 1.30 pm djasabra 15 di yüli 2023.
%20copy.jpg)
