Kòrsou kontra USA East djasabra atardi 4’or den final Senior League World Series
WILLEMSTAD- Kòrsou (Caribbean) ku ya tin e título internashonal di Senior League World Series lo topa ku e ekipo East djasabra 5 di ougùstùs 2023, (awe) pa 4’or pm. East ta representá pa e liga Cherry Hill Atlantic Little League, ku ta un ekipo di New Yersey. Tantu Kòrsou komo New Yersey ta invikto ku rekòrt di 3-0 den Senior League World Series 2023 i tur dos a risibí liber di e promé fecha i e yega final den nan grupo. Kòrsou a gana ku skornan 16-13, 10-0 i 12-3 pa yega final, mientras East a gana 6-1, 6-5 i 12-2 pa yega final. Keda pendiente den boso gruponan pa transmishon. Esnan ku box android buska e ESPN-nan i emisora Z-86 ku Gonzalo Cuales ta transmiti e wega final bibu i direkt.
