Kòrsou ku rèkòrt di 2-0 kontra e ekipo di kas Virgin Islands awenochi
VIRGIN ISLANDS – Kòrsou a gana Jamaica fásil ku skor di 10-0 djaweps anochi i lo topa ku e ekipo di kas ku ta US Virgin Islands djabièrnè, 3 di mart pa 8’or pm. E ekipo di Kòrsou ta mustra sólido i ta kandidato pa yega final relativamente fásil i bira kampion di e torneo. Kòrsou tin dos wega gana fásil, 9 pa 1 vs Aruba i 11-0 kontra di Jamaica. Nos rumannan Aruba i Sint Maarten tambe ta den e kampionato ‘English Caribean Amateur Softball Confederation’ (ECASC) huntu ku Virgin Islands (US) British VI i Jamaica.
RELATONAN CSB
Resultado resultado wega Kòrsou VS Jamaica
E Selekshon di Kòrsou patrosiná pa MCB i FDOK, djaweps a hunga nan di 2 wega di e torneo klasifikatorio di ECASC kontra su similar di Jamaica. Rishelle Van Gennep a tuma riba su mes e enkargo komo picher pa e selekshon di Kòrsou. Rishelle a bai e ruta kompletu pa Kòrsou a gana ku skor di 11 pa 0 di Jamaica. Rishelle no a permití nada na e ekipo di Jamaica, solamente 3 flyout nan a logra bati tur sobra tabata strike-out. Na bate Anais Piar i Joanna Benita a bati di 3-2. Deidra Da Costa Gomez , Ashanty Alexandre i Suheidy Faneyt a impuga 2 kareda kada unu.
WEGA 1
Kòrsou a sali brabu riba e selekshon di Aruba i gana pa nokout ku skor di 9 pa 1.
Kòrsou a sali kayente na bate i kue un bentaha di 5 pa nada, pa mas despues den wega Korsou ta ampliá e ventaga ora ku Julise Koffie konektá homerun pa leftfield. Riba un eror den defensa di Kòrsou, Aruba ta probecha i anota un kareda. Pa e sore final kaba 9 pa 1 na fabor di Korsou
J’dah Girigorie a picha e wega kompletu pa bai ku e viktoria.
