Kòrsou ku rekòrt di 2-2 lo topa ku Puerto Rico awe 3’or
LA GUAIRA – Kòrsou ku rekòrt di 2-2 lo topa ku Puerto Rico djaluna 3’or den Serie del Caribe ku ta tumando lugá na Venezuela. Djadumingu 5 di febrüari Korsou a pèrdè ku skor di 6-5 den 13 inning kontra di Colombia. Nos tabata gana ku skor di 4-2 te den di 9 inning pero Colombia a nota dos kareda pa empatá na 4 kareda, pa despues gana den inning number 13.
Kòrsou komo ekipo di kas den Tie Break den inningnan 10, 11, 12 i 13 tabatin hopi chèns pa laga Colombia den tereno. E bateo no tabata oportuno na e okashonnan ei. Colombia a bati 10 hit i kometé 2 eror. Picher ganadó tabata e relevista Colombiano Peralta. Kòrsou a bati 6 hit i hasi 1 eror. Cerilio Soleana tabata e picher pèrdèdó, Sharlon Schoop a bati di 4-2.
Awe, 3’or ta enfrentá Puerto Rico, djamars pa 7.30’or kontra di Venezuela. E último wega di Kòrsou pa loke ta trata e buelta regular lo ta djarason 2’or pm kontra di República Dominicana. Por mira e weganan via Nos Pais Television kanal 104 (Flow) i 4 via antène normal.
Nos tin potret, estadistika, skèdjel i mas detaye.
