Kòrsou Pabou kontra Kòrsou Pariba den semifinal Little League Karibe na Punta Cana

PUNTA CANA – Kòrsou Pabou lo topa ku Kòrsou Pariba djasabra 9 di yüli pa 9’or di mainta na Punta Cana (Rebublica Dominicana) den e semifinal di kampionato di Karibe di Little League.  Den e otro semifinal Cuba lo topa ku Aruba. E organisadónan Republica Dominicana a partisipá ku dos selekshon i sorpresivamente a keda for di semi-final.

Pabou a klasifiká na promé lugá den su pul

Djabièrnè, 8 di yüli riba e fecha krusial i último fecha di e buelta regular, ekiponan di Kòrsou mester a hunga ‘Double Header’. Kòrsou Pabou a gana Aruba 12 pa 5 i pèrdè kontra Republica Dominicana 6 pa 2.  Kòrsou Pariba a pèrdè kontra Aruba 8 pa 1 pero den e wega krusial kontra Republica Domincana A Kòrsou Pariba a gana ku skor di 7 pa 1.
Final entre e ganadónan di mainta lo ta 11.30 am na Punta Cana.  Kòrsou ta den final sigur ku chèns grandi di bira kampion i yega Williamsport.

Selekshon Pariba number 2 den nan pul

TUR RESULTADO
Djarason 6 di yüli
Aruba 6, Rep Dom (B) 4
Cuba 2, Kòrsou Pariba (B) 1
Kòrsou Pabou 1, Rep Dom (B) 0
Cuba 4, Rep Dom (A) 2

Pariba vs Pabou djasabra 9'or di mainta na Punta Cana

Djaweps 7 di yuli
Kòrsou Pabou 9, Aruba 4
Rep Dom (A) Kòrsou Pariba 3
Aruba 8, Rep Dom (B) 5
Cuba 15, Rep Dom (A) 8

RBC super orguyoso di nos selekshonnan.

Djabièrnè 8 di yuli
Kòrsou Pabou 12, Aruba 5

Cuba 8, Kòrsou Pariba 1
Rep Dom (B) 6, Kòrsou Pabou 2
Kòrsou Pariba 7, Republica Dominicana 1

Pariba a klasifiká riba propio forsa.

‍

SELEKSHON KÒRSOU A KAI VENSI

Selekshon di Beisbòl Dòbel A den bon presentashon na Hulanda a pèrdè ku skor di 1-0 kontra Hapon den nan promé wega di Haarlemse Honkbal Week. Nos selekshon a menasá den último inning pero e wega a terminá ku Kòrsou komo ekipo di kas ku liña pa tersera ku koredó na tersera ku un out. E hugada a resultá den un 'dòbel play' pa terminá e wega.

Selekshon di Kòrsou a kai vensí 1-0 kontra Hapon.

‍