Kòrsou Pabou ta gana Aruba 9 pa 4 i Pariba ta pèrdè 4-3 kontra Republica Dominicana
PUNTA CANA – Kampionato di Karibe di Little League a sigi djaweps 7 di yüli ku varios wega aya na Punta Cana. Kòrsou Pabou a gana di Aruba ku skor di 9 pa 4, Pariba a keda den tereno ku skor di 4-3 riba un hugada straño na segunda. Ku e wega empatá den di 8 inning ku dos out ku Republica Domincana komo ekipo di kas kontra di selekshon Pariba, un flai ta lanta pa segunda base. E segunda base di Kòrsou tabata parse fásil bou di e bala, pero e segunda base ta dal den e umpire i e bala ta kai.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/62c70a97710688e446f19ea0_slekshon%20di%20Liga%20Pabou%20prome%20ku%20subi%20avio%20.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
Na promé instante e chief umpire a kanta out debí ku e ta haña ku e umpire a stroba e filiadó. Despues ku Republica Dominicana a protestá a bin kambio i kita e out bèk i kanta ku e bala a kai (hit) p’asina Pariba keda den tereno. Pabou tin rekòrt di 2-0. Pariba tin rekòrt di 0-2. Den e promé partido di Pabou nan a gana Republica Dominicana A ku skor di 1-0 i Pariba a pèrdè 2-1 kontra Cuba.
KARIBE
E kampionato a start djarason 6 di yüli 2022 na Punta Cana ku partisipashon di 6 selekshon. 2 selekshon di Kòrsou, 2 di Republica Dominicana, Aruba i Cuba. Djabièrnè 8 di yüli selekshonnan di Kòrsou ta hunga Double Header, djasabra 9 di yüli tin semi-final i final. Por sigi e weganan via Deporte Aktivo riba e plata forma Facebook.
![](https://uploads-ssl.webflow.com/5d34a02fd1cb7f04ec361a56/61deffe758817b587c709fc3_edichi%20dream%20reality%202.2.jpg)
![](https://uploads-ssl.webflow.com/5d34a02fd1cb7f04ec361a56/62c70b4bdb7051df739ce9a3_selekshon%20Pariba%20prome%20ku%20sali%20pa%20Punta%20Cana%20.jpg)
![](https://uploads-ssl.webflow.com/5d34a02fd1cb7f04ec361a56/62085b2a45884f8c9b0f0850_Efaborito%20logo.jpg)
KOMUNIKADO BIAHE I RBC
Den presensia di spònser RBC Royal Bank
Dos selekshon Little League di Kòrsou a sali pa Punta Cana pa kampionato di Karibe
WILLEMSTAD- Djadumingu, 3 di yüli 2022 den oranan di anochi, selekshonnan di Little League Liga Pabou i di Liga Pariba a biaha pa Punta Cana República Dominicana, pa partisipá na e kampionato di Karibe di Beisbòl Little League. E kampionato di hóbennan lo start dia 6 di yüli i lo terminá dia 9 di yüli 2022.
RBC Royal Bank, representá pa sr. Sharier Dorand manera ta e kaso ku tur selekshon, tabata presente pa duna e selekshon sostén i deseá e delegashon éksito. E siguiente hungadónan a biaha ku e selekshon: Liga Pabou. Davey Jay Rijke, Joshua Acosta –Fernandez, Jaylliard Emperador, Reangelo Hortencia- Decaster, Jay-Dlynn Wiel, Deshawn Bonafasia, D’Shawn Winklaar, Jaydion Louisa, Emery Hansen, Kyshore Hinkel, Shemar Sophia Jacobus, Qshondrickson Doran, Jaythan Cordilia i Alexander Provacia- Roach.
Manager di e selekshon ta Zaino Everett, asistí pa téknikonan Ringemar Raap i Ildion Martina. Hefe di delegashon di Eugene Sambo i Eran Neuman.
E sigiente hungadónan ta di e selekshon di Liga Pariba. Jeadyon Chirino, Kymani Martijn, Michealangel Cordilia, Quaysinn Roger, Raygenlty Rifaela, Raylipo Martina, Jo-Nathan Bonifacio, Jean-marion Haseth, Dishairo Antersijm, Jayniel O’niel, Nasir El Ossais, Jaydon Candelaria, Shaheem Davelaar, Rjeau Valks . Manager ta Eliezer Kleinmoedig, asistí pa coachnan Jeremy Lucas i Juruengelo Tielman. Delegado ta sra. Emmylou Jakoba.
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/62c70a6a0db86c107f78cd36_Tur%20dos%20selekshon%20ku%20dirigentenan%20.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
![](https://uploads-ssl.webflow.com/5d34a02fd1cb7f04ec361a56/62c70bb2507be601a7377eb6_Shaier%20Doran%20ta%20papaia%20ku%20Liga%20Pabou%20.jpg)
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/62c70bccf2aca5083a9deb23_Shaier%20Doran%20ta%20papaia%20ku%20selekshon%20Liga%20Pariba%20.jpg)
![](https://uploads-ssl.webflow.com/5d34a02fd1cb7f04ec361a56/627e3fa64c89f704e0826a8c_greenhouse%20130522%20i%20despues.jpg)
![](https://uploads-ssl.webflow.com/5d34a02fd1cb7f04ec361a56/61b9487d237a5c69f741a73d_greenhouse%20logo.jpg)
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)