Kòrsou ta gana Chinese Taipei ku skor di 2-0 i bira kampion internashonal
WILLIAMSPORT – Kòrsou ku tremendo picheo di Helmir Helmijr, bon bateo i konsentrashon den di 4 inning, ta gana Chinese Taipei ku skor di 2-0 djasabra mèrdia na Williamsport (USA). Helmir Helmijr a tira 5.1 inning tuma solamente 1 hit, 4 ponche i 3 base bor bola. Jay-Dlyn Wiel a tira 2 tersio di inning sin base koredo, un ponche i un rolling pa shòrt. E super estrea Fan Chen Yun di Taipei un picher praktikamente imbatibel a tira di 4 inning i tuma dos kareda, un limpi i dos hit. Inkreíbel kon nos muchanan a fokus riba e picher aki i hinka dos kareda kontra dje. E gran final ta mayan 3’or na Williamsport. Nos tin e sifranan di e wega.
NUMERITONAN
Kòrsou a nota 2 kareda, bati 2 hit i a hasi 1 eror. Helmir Helmijr a gana ku relevo di Jay-Dlyn Wiel. Jaydlyn Wiel i Nasir El Oisais a bati 1 hit. Wiel di 2-1 i El Oisais di 1-1.
Chiens Taipei a dal 1 hit i hasi 2 eror. Fan Chen Yun tabata e picher pèrdèdó.
%20copy.jpg)
