Kòrsou ta gana Cuba 2-1 den wega di klasifikashon pa Qatar 2022
GUATEMALA CITY – Selekshon di Kòrsou bou di direkshon di Guus Hiddink mester a lucha formal pa gana di Cuba ku skor di 2-1. Tur tres gol a keda anotá den promé mitar. Kòrsou a nota promé gol pa medio di Leandro Bacuna na di 12 minüt. Cuba a empatá riba un fayo di nos defensa kaminda e atakante Onel Hernandez a nota na di 28 minüt. E di dos gol di Kòrsou tabata riba un pase di Antonia ku a hunga tremendo atrobe. Antonia a krusa i Charlison Benschop a nota e gol pa Kòrsou bai ariba 2-1. Kòrsou tin 6 punto den dos wega empatá ku Guatemala den grupo C. Nos ta den e promé rònt di klasifikashon pa Kopa Mundial na Qatar 2020, zona Concacaf. Nos sigiente wega ta dia 5 di yüni kontra Virgin Islands i kandela dia 8 di yüni kontra di Guatemala.
E WEGA
Cuba ta sali ataká formal den e promé 3 minütnan ku hopi preshon di e parti tereno defendé pa Kòrsou. Cuba ta ataká i na di 4 minüt nos kiper Eloy Room ta tapa. Mas o ménos na di 6 minüt tabatin hopi pase chiki den defensa di Kòrsou ku ta spanta e fanatikada lokal ku tabata wak e wega na Telecuracao. Na di 9 minüt Yasniel Matos ta drenta pa Cuba. Na di 11 minüt un pase for di medio kampio dirèkt pa Bacuna ku ta tira duru banda di e kiper.
Fayo (pase malu) di Bonevacia na di 26 minüt ta pone ku e atakante di Cuba Hernandez ta kita e bala i move bai laga e otro defensa i ku un tiru bon ku e pia robes ta vense nos portero Eloy Room pa e gol di empate. Cuba ta keda pone preshon riba Kòrsou, pero na di 45 minüt riba un kontra golpi Benschop ta risibí e bala krusá for di Jarchinio Antonia i ta skòp adén duru fuera di alkanse di e kiper Sandy Sanchez di Cuba.
Den di dos mitar Jeremy Antonisse ta drenta na lugá di Roly Bonevacia. Na di 48 minüt Cuba ta risibí un corner, pero nos ta salba ku bon defensa. Defensa di Kòrsou ta lucha i na di 54 minüt Suently Alberto defensa di man robes ta rechasá i skapa Kòrsou. Cuba ta hasi un kambio na di 56 minüt
Nos defensa ta sigi lucha kontra e atakenan di Cuba. Na di 61 minüt Sontje Hooi ta drenta na lugá di Jarchinio Antonia i Antony van den Hurk na lugá di Charlisson Benschop. Van de Hurk ta lòs un tiru riba gol di Cuba na di 69 minüt. Cuba su delantero Hernandez ta los un tiru riba e huki chiki, pero Room ta rechasá bon ku pia robes. Na di 79 minüt i 83 minüt tabatin tirunan di Cuba ku kiper Room ta kue fásil. Kòrsou ta sigi lucha i ta haña bon chèns na di 90 minüt ku varios atake den areal penal, pero e kruse no a bini i e kiper di Cuba Sanchez ta rechasá. Den 4 minütnan èkstra niun di dos ekipo no ta logra anotá i Kòrsou ta sali di e porta grandi ku viktoria di 2-1.
Nos defensa ta sigi lucha kontra e atakenandi Cuba. Na di 61 minüt Sontje Hooi tadrenta na lugá di Jarchinio Antonia i Antony van den Hurk na lugá di CharlissonBenschop. Van de Hurk ta lòs un tiruriba gol di Cuba na di 69 minüt. Cuba su delantero Hernandez ta los un tiruriba e huki chiki, pero Room ta rechasá bon ku pia robes. Na di 79 minüt i 83minüt tabatin tirunan di Cuba ku kiper Room ta kue fásil. Kòrsou ta sigi lucha i ta haña bon chèns nadi 90 minüt ku varios atake den areal penal, pero e kruse no a bini i e kiperdi Cuba Sanchez ta rechasá. Den 4 minütnan èkstra niun di dos ekipo no ta lograanotá i Kòrsou ta sali di e porta grandi ku viktoria di 2-1.
