Kòrsou ta gana Meksiko 12 pa 3 i klasifiká pa final di Senior League World Series
EASLEY- Kòrsou den representashon di Karibe ta dal Meksiko (Latin America) 12 pa 3 den extra inning i klasifiká pa final di Senior League World Series na Easley South Carolina. Kòrsou ya ta kampion Internashonal i lo hunga final Mundial e kontra ganadó di e final di USA entre East i West djasabra 5 di ougùstùs pa 4’or pm na Easley . Deshandro Tromp a konektá homerun di 3 kareda den di 3 inning. Clay Winklaar a dal homerun di 3 kareda den di 8 inning i empuhá 4 kareda den e inning ei.
Keven Rosina tabatin un tremendo relevo den di 7 inning pa manda e wega ekstra inning. Kòrsou a usa 3 picher D. Anita ku a tira 3.1 inning, tuma un kareda. Izion Mogen a tira 2.2 inning i tuma dos kareda, Keven Rosina a tira dos inning sin tuma kareda, sin tuma hit i bira e picher ganadó. Meksiko a pika dilanti 1-0 den di 2 inning komo ekipo di kas, pero Kòrsou ta bai ariba 3-1 den di 3 inning riba homerun di Deshandro Tromp. E wega ta keda 3-1 te den di 6 ining kaminda Meksiko ta yega serka notando un kareda i hasi e wega 3-2. Den di 7 inning Meksiko ta empatá e wega 3-3 i tabatin koredo na segunda ku dos out komo home team, pero Kevin Rosina ta pèrta brasa i sali for di e inning. Despues ta historia i Kòrsou ta nota 9 kareda den di 8 inning (ekstra inning) i Meksiko no ta logra nota kareda pa e wega terminá 12-3.
Nos tin e box score di e wega i nos averagenan despues di 3 wega.
%20copy.jpg)
