Kòrsou ta gana Venezuela i klasifika pa final di Senior League
Wega final ta djasabra 12’or di mèrdia kontra West Region
EASLEY- Kòrsou ku bon picheo kombiná di Helmir Helmijr i Gilliard Emperardor a gana Venzuela ku skor di 4-1. Ku e viktoria aki Kòrsou lo hhunga final kontra e selekshon di USA West djasabra 12’or di mèrdia. Despues ku Kòrsou a pèrdè e prome wega kontra Canada nos a gana 3-1, nos a gana Australia 7-0, Asia Pacific 3-1, Canada 15-5 i Venezuela 4-1 ayera.
E SELEKHSON
Djaluna, 27 di yüli 2026 den oranan di mainta, e selekshon di Senior League Liga Pariba a biaha pa Easley (South Carolina), pa partisipá den e Kampionato Mundial di Beisbòl Senior League. E selekshon menshoná a bira kampion di Karibe dia 27 di yüni último na Kòrsou i a gana e derechi pa representá Karibe den e kampionato Mundial. E kampionato Mundial di Senior League ta di 1 pa 8 di ougùstùs na Easley, South Carolina.
RBC Royal Bank manera ta e kaso ku tur selekshon, tabata presente pa duna e selekshon sosten i deseá e delegashon éksito. RBC Royal Bank ta spònser number 1 di Little League ya pa 26 aña.
HUNGADONAN
E siguiente hungadónana biaha ku e selekshon: Jaylliard Emperador, Joshua Acosta Fernandez, Helmir Helmijr, Alexander Provacia – Roach, Shemar Sophia Jacobus, Jay-Dlynn Wiel, Kyshore Hinkel, Dyveneau Zimmerman, Qshondrickson Doran, Yaediel de Caster, Zaid Martinus, Daniel Perez Splitalier, Juan Ramon Cleto Ferreras, Dishairo Antersijn, Tamir Mogen, Davey Jay Rijke i Yeadon Marti Lourens.
Manager di e selekshon ta Charles Merite, asistí a coachnan Quincy Virginie i Erwin Benita. Sr. Andrew Schoop i Shanna de Jongh ta hefenan di delegashon.
