Korsou ta logra un empate na 0 kontra Trinidad & Tobago
PORT OF SPAIN- Djabièrnè, 5 di sèptèmber 2025, tabatin e wega di futbòl bálido pa klasifikashon pa Mundial entre Kòrsou i Trinidad & Tobago. E wega a keda empatá na 0. Kòrsou tabatn dominio pa loke ta trata posishon di bala den e promé mitar. Den di dos mitar ekipo Trinidad & Tobago a dominá riba tur parti di tereno. Eloy Room tabata grandi komo kiper i na vؘários okashon ela trese salbashon.
Jurgen Locadia i Tahith Chong a drenta den di dos mitar den e parti di atake di e ekipo di Kòrsou. Arjany Martha a drenta na luga di Richedley Bazoer ku a sali leshoná. Despues e DT Dick Advocaat ta hinka Godfried Roemeratoe i Jurich Carolina tambe den e wega. Den e Grupo B aki Jamaica a gana Bermuda 4-0 i ta na promé lugá ku 3 punto. Despues ta sigi Kòrsou i Trinidad & Tobago empatá na di dos lugá ku un punto. Bermuda ta den bòm ku 0 punto.
Finalmente Kòrsou tabatin 51% di bala kompará ku 49% di Trindad. Trinidad a tira 14 biaha riba gol, di kual 7 riba target. Kòrsou tabatin 5 tiru di kual 2 riba target. Trinidad a kometé infrakshon na 13 okashon i Kòrsou 10. Trinidad a risibí 5 karchi hel i Kòrsou 1. Trinidad tabatin 2 offside i Kòrsou 0. Den Corner Trinidad tabatin 4 i Kòrsou 3. Kòrsou ta na di 86 lugá riba ranking i Trinidad & Tobago number 101. E sigiente wega di nos ta djamars 9 di sèptèmber kontra di Bermuda den Stadion Ergilio Hato.
