Kòrsou vs Trinidad & Tobago awenochi 8’or rumbo pa Mundial FIFA 2026
PORT OF SPAIN – Awe, djabièrnè 5 di sèptèmber 2026 pa 8’or pm selekshon di Kòrsou bou di direkshon di Dick Advocaat lo topa ku selekshon di Trinidad & Tobago. Ta e promé wega den e último buelta rumbo pa Mundial 2026.
Hopi atenshon mes pa e wega aki na Kòrsou, na Hulanda i den region. E wega ta tumá luga den Hasely Crowford Stadium na Port of Spain, Trinidad & Tobago. Kòrsou ta den grupo di Bermuda, Trinidad & Tobago i Jamaica ku ta grandinan den futbòl ku esepshon di Bermuda ku no tin masha nòmber ainda den nos region. Aki na Kòrsou tin pantaya grandi na Wilhelmina plein i vários establesimentu Horeca.
Sigiente wega ta djamars awor kontra di Bermuda aki na Kòrsou. Top skorer ta Kòrsou ta Gervaine Kastaneer ku 5 gol den 3 wega, Reangelo Janga 3 gol den 2 wega i Juninho Bacuna ku 4 gol den 2 wega.
Ultimo enkuentronan entre e dos timnan ta Kòrsou a gana 5 pa 2, i dia 17 di òktober 2023 i Trinidad a gana Kòrsou 1-0 dia 7 di sèptèmber 2023 den Curacao Nations League.
CONCACAF
Kon nos a yega aki. Normalmente, Concacaf ta haña 3 lugá automátiko den klasifikashon pa Mundial, pero pa e mundial di 2026, tres di e seis lugá aki ta bai na e anfitrionan. E ta keda tres lugá pa gana, más dos lugá pa e ruta di playoff inter-konfederashonal.
Concacaf tabatin tin 32 nashon ku a drenta den e kompetensia pa yega na e final.
Ronda 1: E kuater nashon di Concacaf ku tabata ranking mas abou a hunga kontra otro den partido ida i bini. Anguilla i British Virgin Islands a eliminá Turks and Caicos Islands i U.S. Virgin Islands respektivamente, tur dos via penal.
Ronda 2: E 28 nashon ku tabata ranking mas haltu, mas e dos gana di Ronda 1, a drenta den sorteo pa seis grupo di sinku tim. Timnan a hunga kontra otro solamente un biaha, no ida i bini. E etapa aki a tuma lugá den dos parte: yüni 2024 i yüni 2025.
E seis ku a gana di grupo i e seis ku ta na segundo lugá a pasa pa Ronda 3.
Avansá: Bermuda, Costa Rica, Kòrsou, El Salvador, Guatemala, Haiti, Honduras, Jamaica, Nicaragua, Panamá, Surinam, Trinidad i Tobago.
Ronda 3: E 12 team ku a keda a drenta den sorteo pa tres grupo di kuater team. E fase aki lo hunga den sèptèmber, òktober i nòvèmber. E gana di grupo lo kualifiká pa e Mundial, i e dos segundo lugá ku tin e mihó rekòrt lo bai partisipá den e playoff inter-konfederashonal.
Grupo A: Panamá, El Salvador, Guatemala, Surinam
Grupo B: Jamaica, Kòrsou, Trinidad i Tobago, Bermuda
Grupo C: Kòsta Rika, Honduras, Haiti, Nicaragua.
