Liga 50 a tene apertura ofishal djasabra na Van Engelen Ballpark.
WILLEMSTAD - Djasabra, 10 di mei 2025 tabatin apertura ofishal di kampionato di Sòftbòl Liga 50 na Van Engelen Ballpark. Presidente di Liga 50 sr. Gilbert Keller a dirigí palabra i tambe e fundadó di Liga 50 ku ta sr. Rudy Brunken. E kampionato ta dediká na tur e èks presidentenan. Liga 50 ta selebrá 25 aña di eksistensia den e temporada aki. E apertura ofishal a tuma lugá bou di dak tras di backstop di vèlt A na Van Engelen Ballpark. Den presensia di hungadó, dirigentenan di tur tim, direktiva di Liga 50, èks presidentenan di liga i fanátikonan, MC a habri e programa pa despues sr. Keller dirigí palabra.
A sigi spich di Rudy Brunken i èks presidente sr. Sandy Lint a papia na nòmber di e èks presidentenan. Despues a bai riba tereno pa lansamentu di promé bala ku ekiponan Pitufos i Artemisia na liña di primera i tersera respektivamente. Rudy Brunken a lansa promé bala, kècher tabata presidente di Liga 50 sr. Gilbert Keller i èks presidente Sandy Lint tabata e batiadó. Asina e parti ofishal a tuma lugá sigí pa playball ku wega entre Artemisia i Pitufos. Presidentenan a haña un lugá speshal pa sinta na mesa. Nan a disfrutá di algun wega i keda bon trata pa direktiva di Liga 50. Nos tin e spich di fundadó Rudy Brunken na apertura di Liga 50.
Rudy Brunken: “Yamando danki na direktiva di Liga 50 i presidente Gilbert Keller. Yamando danki na Tetty Chirino ku a fasilitá mi Chirino Ballpark pa organisá Liga 50". Liga 50" a mira lus riba e fecha di 1 desèmber aña 2000 ku 5 ekipo, Flamboyan, Sigi Gosa, Catpower, Marlins i Jaws. Mi ta gradisí direktiva di Flamboyan Super Stars 50: Angel Ramires – Sygmund "Broer" Montesant – Ronald "Ronny" Jardenier - Aithel Brunken i Nelson Marks ku 25 aña ta sosteniendo nos ekipo. Un danki na direktiva kompletu di Liga "50" na Suvek Ballpark i na tur e presidentenan ku a tuma parti na e liga. Eks presidente nan: Ciril "Rudy "Brunken (ko- fundadó prinsipal di Liga 50) 2. Irvin Evers, 3. Iwan Loth, 4. Sandy Lint, 5. Roque Bernadina, 6. Mirto Martina, 7. Jerry Booi, 8. Noberto Maat i 9. Hubert Thomasa (dfm). Masha danki pa boso Aporte.”
RESULTADONAN LIGA 50 DJASABRA 17 DI MEI
Lions 15, Artemisia 14
Catpower /Jandoret 8, Baranka 4
Ban Seiro 6, Sluggers 1
Marlins 9, Flamboyan 1
WEGANAN DI SÒFTBÒL KOMERSIAL DJADUMINGU 18 DI MEI
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia.Apertura simpel pero di hopi nifikashon di Liga 50 djasabra siman pasá na VanEngelen Ballpark. Tabata un apertura den e di dos siman di kampionato Liga 50di 2025. E apertura a tuma lugá dilanti representante di tur ekipo di Liga 50. Presidentesr. Keller a dirigí palabra i e fundadó di Liga 50 sr. Rudy Brunken tambe adirigí palabra. Rudy Brunken a funda Liga 50, 25 aña pasá i ela elaborá kon unke otro a bai. Ela bisa ku tabatin 5 tim na e promé kampionato di Liga 50 ku taCatpower, Sigi Gosa, Jaws, Flamboyan i Marlins.
Nos tin e spich di Rudy Brunken di djasabra último na apertura di Liga 50. En todo kaso tabatin 4 wega djasabra ku e sigiente resultadonan. Den e promé wega di djasabra ekipo Catpower/Jandoret Raiders a derotá Flamboyan ku skor di 12-2. Jandoret a nota e kareda di nòkout den di 5 entrada riba un hugada di filders choice kaminda shòrtstòp a tira home tratando na saka out pa prevení e nòkout. Den e sigiente wega Pitufos a gana Artemisia ku skor di 11-7. Den un wega pèrtá Jaws a gana Marlins 7 pa 6. Marlins tabata dilanti den e wega kómodo 5-1, pero den di 5 inning Jaws ta nota 5 kareda pa bòltu e kos pa finalmente gana ku skor di 7-6. Vários kareda shushi tur dos banda durante e wega aki.
Den e último wega di Liga 50 djasabra pasá, tabata e klèsh di e dia entre Baranka kampion di Liga 50 di 2024 kontra di Ban Serio ku ta supkampion di 2024 i kampion di 2023. Ban Serio a gana Baranka ku skor di 6-4. Ban Serio tabata ganá 3-0 te den 4 inning, pero Baranka ta empatá i despues bai ariba 4-3. E wega a sigi den di 7 inning, nèt nèt debí ku tabata falta 3 minüt pa e wega terminá pa time limit den bom di di 6 inning. Ban Serio ta logra saka e di 3 out promé ku limite di tempu den bòm di e di 6 inning. Den di 7 inning Ban Serio ku un out Byron Kook ta dal homerun di 3 kareda pa manda Ban Serio ariba 6-4. Baranka ta dal un hit den bòm di e di 7 inning, pero ta keda kòrtiku. Den dianan benidero nos tin mas detaye i numerito di e weganan menshoná.
Den Beisbòl Veterano ekiponan Santa Maria i Quality Stars a swip Isla Crackers i Yesterday respektivamente pa pasa pa final. Santa Maria Pirates a gana Isla Crackers 7-4 djasabra i 13-11 djadumingu. Quality Stars a gana Yesterday 9 pa 1 djasabra i 13 pa 7 djadumingu. Play-off final ta start djasabra awor 2’or na Vi Jansen Ballpark entre ekiponan Santa Maria i Quality Stars. Quality Stars a terminá number 1 durante temporada regular ku rèkòrt di 17 ganá i 2 pèrdí i Santa Maria a terminá ku 16 ganá i 3 pèrdí. Pa loke ta trata e buelta regular, ekipo Quality Stars a gana tur dos wega ku skornan di 9-3 i 11-1. Djasabra 17 di mei ta start ku e seri final.
Djadumingu awor tin apertura ofishal di Liga 60. E apertura ta riba e promé fecha di e kampionato i e kampionato ta dediká na 3 gran picher di edat haltu ku ainda ta aktivo i den gran forma den Liga 60.
E apertura ta start 12.55’or i pa 1’or ekiponan lo desfilá drenta Frank Curiel Ballpark. Nos lo tin mas detaye pronto. Ekipo Nos Tambe Por ta kampion di Liga 60 di 2024 i Jaws tabata kampion durante añanan 2022 i 2023. Kampionato ta bira interesante ku vários kambio durante off season. Ekipo Lions i Los Amigos a reforsá formal ku hungadónan nobo.
Tin un kambio den pitu kaminda e hungadó Junny Marselia lo pasa di Sluggers pa ekipo Nos Power. Nos a chèk despues ku Junny Marselia ku a disidi di keda ku Sluggers. E no a duna OK na Nos power ku elo bai hunga ku nan. Skema ta kla pa start djadumingu. Lo tin 3 wega riba tur djadumingu manera ta kustumber. Djasabra 10 di mei selekshonnan di Liga Pabou a bai misa di Suffisant pa gradisí Dios pa e kuida nan durante e play-off i naturalmente pa e éksitonan. Den kurso di siman nos tin detaye i pòtrèt. Nos ta keda te aki pa awe i te mayan ku Poder di Dios.
