Liga 50 Sòftbòl suspendé 2 pa 3 siman
WILLEMSTAD- Liga 50 di Sòftbòl ku ta hunga tur djasabra na Van Engelen Ballpark a keda suspendé 2 pa 3 siman. Djamars 15 di sèptèmber 2020 tabatin un reunion di direktiva i a tuma e desishon pa para e weganan debí ku Gobièrnu a proklamá fase 3 den e krisis di COVID-19. Liga Amstel ku ta hunga pareu ku Liga 50 tambe a suspendé nan weganan. Nos tin resultadonan di e weganan di siman pasá djasabra.
Lions ta sorprendé Jaws ganando 7 pa 4 den Liga 50
Djasabra 12 di sèptèmber Liga 50 a kontinuá na Van Engelen Ballpark ku 4 wega. E ekipo Lions a sorprendé Jaws ganando ku skor di 7 pa 4. Den e otro weganan Flamboyan a gana Catpower 5 pa 3, Ban Serio a gana Baranka/Sharks pèrtá 7 pa 6 i Pitufos a vense Mon Repos Sluggers ku skor di 5-0.
RESULTADONAN
Djasabra 12 di sèptèmber
Flamboyan 5, Catpower 3
Flamboyan tabatin 9 hit ku 1 eror. Picher ganadó tabata Eithel Brunken. Ruben Snoyl a bai di 3-2. Stanley Palm, Gilbert Juliet, Michel Daou, Hensley Chakoetoe, David Rodriguez i Hubert Perozo, tur a bai di 2-1. Nelson Marks a bati di 1-1. Pa Catpower 5 hit sin eror. Ellison Brunken a resultá pèrdèdó. Siegfried Martis a bai di 2-2. Edphrim Cicilia ku Ellison Brunken, ámbos a bai di 2-1.
Ban Serio 7, Baranka/Sharks 6
Ban Serio a dal 6 hit i nan a hunga sin eror. Miro Daal a gana. Edmar Cornelia a bai di 2-2 inkluyendo 1 homerun. Miro Daal ku Renato Anasagasti, ámbos a bai di 2-1. Julien Ignacio a bai di 1-1. Ela konektá 1 homerun. Charlton van Thijs bati di 3-1. Baranka/Sharks tabatin 13 hit i nan a hunga sin eror. Kenneth Ortega a pèrdè. Gilbert Denisia a bai di 3-3, Grensly La Cruz di 3-2. Curtly Valeriaan ku Herbert Balentina, ámbos a bai di 2-2. Sharlon Chirino ku Richenel Reina, kada un a bati di 1-1. 2 hungadó a bati di 3-1.
Pitufos 5, Mon Repos Sluggers 0
Pitufos tabatin 8 hit ku 2 eror. Sharlon Hanst a gana. Jurgen Kronstadt a bati di 3-2 i Raymond Constancia di 2-2. Arthur Davelaar, Sidney de Windt i Cedric Curiel, tur a bai di 2-1. Marlon Noor a bai di 1-1. Jurgen Kronstadt a konektá 1 homerun. Pa Mon Repos Sluggers 6 hit ku 2 eror. Eldred Bakker a pèrdè. Albertico Leito a bai di 2-2. Efraim Marselia, Victor Hernandez, Lesley Fer i Gladwin La Cruz, tur a bai di 2-1.
Lions 7, Jaws 4
Lions tabatin 4 hit ku 3 eror. Luis Alcantara tabata ganadó. Raimy Pastor a bai di 2-1. 3 hungadó a bati di 3-1. Pa Jaws 7 hit ku 3 eror. Fernando Rosario a resultá pèrdèdó. Tyron de Palm a bai di 3-2. Rudsel Schmidt ku Amador Nita, ámbos a bai di 2-1. 3 hungadó a bati di 3-1.
