Liga 50 Sòftbòl ta sigi awe ku 4 wega den fase final di buelta regular
WILLEMSTAD – Djasabra, 6 di sèptèmber, Liga 50 di Sòftbòl ta sigi ku 4 wega na Van Engelen Ballpark. Ta e penultimo fecha pa despues start ku e buelta regular, djasabra 13 di sèptèmber ta e último fecha di e buelta regualr pa start ku play-off dia 21 di sèptèmber.
Nos tin skema, standing i resultadonan di djasabra siman pasá. Djasaba 6 di sèptèmber tin e sigiente weganan, 10.00 Catpower/Raiders - Sluggers, 12.00 Artemisia vs Pitufos, 14.00 Jaws vs Lions i 16.00 Ban Serio vs Flamboyan. Ekipo Marlins tin barwacht i Baranka ta liber. Standing di Liga 50 promé ku e weganan di djasabra awor ta Jaws 10-1, Ban Serio 9-2, Catpower Raiders 7-4, Marlins 7-5, Baranka/Sharks 7-5, Pitufos 6-5, Lions 5-6, Flamboyan/Gamers 4-7, Sluggers 2-10, Artemisia 0-12
Ban Serio ta nòkout Pitufos i Catpower/Raiders ta derotá Lions
WILLEMSTAD- Liga 50 a sigi djasabra último na Van Engelen Ballpark ku 4 partido. Den e wega prinsipal ekipo Ban Serio ta nòkout Pitufos ganando ku skor di 19 pa 6. Den otro wega Catpower/Raiders a gana Lions ku skor di 9-3. Baranka a derotá Sluggers 10 pa 5 i Marlins a dal Artemisia 10-3. Despues di tres siman den buelta number 2 e standing ta lo sigiente, Jaws 10-1, Ban Serio 9-2, Catpower Raiders 7-4, Marlins 7-4, Baranka/Sharks 7-5, Pitufos 6-5, Lions 5-6, Flamboyan/Gamers 4-7, Sluggers 2-10, Artemisia 0-12.
RESULTADONAN
Ban Serio 19 , Pitufos 6
Ban Serio a dal 13 hit i hasi 1 eror. Miro Daal tabata e picher ganadó. Luigi Yanez a bati di 2-2. Albert Pieternella i Byron Kook a bati di 3-2. Pitufos a bati 6 hit i kometé 6 eror. Humphrey Antonia a bati di 2-1 i tabata e picher pèrdèdó. Elston Constancia a bati di 1-1.
Catpower Raiders 9, Lions 3
Catpower Raiders a bati 9 hit i hasi 1 eror. Gilbert Henrietta tabata e picher ganadó i Myron Wijman a bati di di 2-2 ku un homerun. Gilbert Henrietta a bati di 1-1. Lions a konektá 6 hit i hasi 3 eror. Giovanni Maduro tabata e picher pèrdèdó i e mes a bati di 3-2. Sendy Marcelia tambe a bati di 3-2.
Baranka 10, Sluggers 5
Baranka a dal 12 hit i hasi 3 eror. Kenny Hellement tabata e picher ganadó. Edmar Cornelia a bati di 2-2, Gregory Reina tambe a bati di 2-2. Sluggers a bati 8 hit i hasi 2 eror. Axel Gomez a pèrdè. James Jackson a bati di 2-2.
Marlins 10, Artemisia 3
Marlins a dal 5 hit i hunga sin kometé eror. Hubert Gomez tabata e picher ganadó. Irving Sambo a bati di 3-3 ku 7 RBI. Irving ‘Skippy’ Sambo a bati un homerun . Artemisia a konektá 9 hit i kometé 1 eror. Alejandro Wyatt tabata picher pèrdèdó. Cedric Antonia a bati di 2-2. Ericson Windster i Freddy Castillo a bati di 3-2.
MAS INFORMASHON DI BEISBÒL I SÒFTBÒL
Fanatikonan di Extra Inning, bon dia i felis wikènt. Fin di siman pasa ku basta aktividat riba tereno di Slowpitch i Beisbòl atrobe. Wikènt di 23 i 24 di ougùstùs tabatin final di Beisbòl tantu riba nivel di Klase A komo Hubenil. Ekipo Royal Scorpions a bira kampion den Hubenil i Santa Rosa kampion den Klase A. Beisbòl di nivel haltu a keda demonstrá den Beisbòl Hubenil komo Klase A. Lástima ku ta masha hopi fanátiko tabata sa ku tabatin final i apénas tabatin miembro di direktiva na tereno pa entregá premio na e hóbennan di Hubenil i Klase A. Entrega di premio ta poné pa despues, pero sikiera un miembro di direktiva presente. Santa Rosa a gana e seri final di Klase A den 3 wega, 5-2, 5-9 i 7-6. Den Hubenil Royal Scorpions a swip Santa Rosa 14-2 i 16-6.
* * * * *
Liga 50 di Sòftbòl a sigi kayente djasabra na Van Engelen Ballpark. Den e wega ku mester a bira kandela ekipo Ban Serio a pasa fásil riba Pitufos ganando ku skor di 19-6. Ban Serio a sali dilanti 10-0 den e promé dos inningnan, Pitufos a trata di bini bèk pero a keda kòrtiku. Den otro wega Baranka a gana Sluggers 10-5. For di den inning number 2 Baranka tambe tabata ariba 10-0 i Sluggers a bini bèk basta bon i a logra yega te 5 kareda. Catpower/Raiders ku ta na di tres lugá riba e standing a gana di Lions 9-3. Marlins a dal Artemisia 10-3.
* * * * *
Djasabra 6 di sèptèmber tin e sigiente weganan den 50+ Sòftbòl 10.00 Catpower Raiders – Sluggers, 12.00 Artemisia vs Pitufos, 14.00 Jaws vs Lions i 16.00 Ban Serio vs Flamboyan. Ekipo Marlins tin barwacht i Baranka ta liber. E último fecha di e buelta regular ku ta 13 di sèptèmber ta weganan kandela lo tin, entre otro Pitufos/Flamboyan, Baranka/Lions, Marlins/Ban Serio i Catpower/Jaws. Manera ta konosí 7 ekipo lo klasifiká i e situashon lo bai bira basta pèrtá entre puesto 7 i 8. Ekiponan Lions i Flamboyan lo bai lucha pa e posishon ei.
* * * * *
Pa loke ta Liga 50 di Beisbòl djadumingu mester tabatin wega entre Santa Rosa Royals i Jandoret Raiders. E wega entre Otrabanda i Volcano a keda suspendé debí ku Otrabanda 40 tabatin wega riba mesun dia. Play-off di Liga Streanan di Ayera a sigi na Van Engelen Ballpark. Ayera mester tabatin wega di play-off entre Eureka i Chilling Jaguar i Tur Goso kontra Treasure Plus. Nos lo keda pendiente pa e resultadonan i Spot.cw ta pasando e weganan. Djasabra último e wega di Pitufos i Ban Serio a keda transmití. Wega di djasabra 13 di sèptèmber entre Catpower/Raiders i Jaws e último wega di buelta regular di Liga 50 lo keda transmití. Liga di Nos Tur a sigi djabièrnè i djasabra den Frank Curiel Ballpark. Ekipo Shining Stars ku ta number 1 riba e standing ku 3-0 a sorprendé ekipo Sin Stres ku ta e kampion di 2024.
* * * * *
Shining Stars tabata den gran forma wikènt pasá. Nan a gana Sin Stres 10-7 djabièrnè i gana otro grandi Un Kara 10-1. Ke mèn Shining Stars a gana kampion i supkampion den wikènt. Nos a mira nòmbernan manera Ashanty Giterson, Ismairy Ignacio, Sovianca Calmera ets. Sòftbòl ofishal di Curacao Softbal Bond ta pendiente pa start djabièrnè awor. E apertura ta na momentu ku nos selekshon nashonal lo topa ku Trinidad & Tobago na Trinidad. E wega di selekshon no ta tuma lugá na Kòrsou, pero tin hopi atenshon pa e wega menshoná. Den Beisbòl Veterano Santa Maria Pirates a dal Santa Rosa Memories ku skor di 6-2. Evenon Martis a gana pa Santa Maria i Ramses Jamanika tabata e picher pèrdèdó pa Santa Rosa. Den e otro wega di djasabra Quality Stars a dal Marlins 10-0. Nos ta keda te aki pa awe i te mayan ku Poder di Dios.
