Liga Pabou ta ‘sweep’ den Aruba & Curacao Little League Baseball Classic
WILLEMSTAD- Liga Pabou di Kòrsou a ‘sweep’ den e Aruba & Curacao Little League Baseball Classic ku a tuma lugá den Stadion Post 6 di 26 di yüli pa 1 di ougùstùs. Djadumingu 1 di ougùstùs riba e fecha final Liga Pabou a gana ku skornan 13-3, 11-1 i 13-0 den kategorianan Intermediate, Minor i Little respektivamente. Bon públiko pa mira e tres weganan final. Despues di wega tabatin entrega di premio dor di spònser RBC Royal Bank pa medio di Sharier Dorand i District Administrator Urny Floran.
Liga Pabou kampion den Intermediate
Liga Pabou a derotá Liga Pariba ku skor di 13-3 den final di Intermediate djadumingu mainta den e Aruba & Curacao Little League Baseball Classic. Aston Raphaela a tira 6 inning kompletu pa bai ku e viktoria. Izion Mogen a bati di 3-3 pa guia Pabou den e viktoria. E ekipo Pabou a terminá invikto.
Liga Pabou di Kòrsou ta gana 11-1 i bira kampion den MInor
Liga Pabou a sigi ku nan racha viktorioso i ta gana Aruba Center ku skor di 11-1. Shemar Sophia Jacobus i Jaydlin Wiel a kombiná den picheo pa Pabou gana e wega fásil. Joshua Acosta a bati di 4-4 pa selekshon Pabou Kòrsou Minor.
Pabou 11, Aruba Center 1
Pabou a dal 15 hit i hunga sin eror. Shemar Sophia Jacobus tabata e picher ganadó i Joshua Acosta a bati di 4-4, Joshua Rojer di 2-2, Shemar Sophia Jacobus di 2-2, Dylan Mulder di 1-1 I Helmir Helmijr tambe di 1-1. Aruba Center a konektá 1 hit i hunga sin eror. Jairoso Saladin tabata e picher pèrdèdó. Brishamly Cathalina a bati di 1-1.
Liga Pabou ta gana Aruba North den Little i titulá kampion
WILLEMSTAD- Liga Pabou Kòrsou ta gana Aruba North den Little i asina ta titulá kampion. E picher di Pabou Kòrsou Dave Jay Rijke no a permití hit na e ekipo Aruba North i di e forma ei ela tira un blankeo (No Hit No Run) den e wega aki.
Pabou 13, Aruba North 0
Pabou a dal 13 hit i nan a hunga sin eror. Picher ganadó tabata Dave Jay Rijke. Gilvenson Josephina a bai di 3-3 inkluyendo un homerun. Dave Jay Rijke mes a bai di 3-2. Timothy Mogen, Derickson Doran i Isaac Acosta, tur 3 a bai di 2-2. Reegan Randt Kirindongo ku Shackleyson Magarita, ámbos bai di 1-1. Aruba North no tabatin kareda ni hit. Xylon Starke a resultá pèrdèdó.
