Lions ta gana Flamboyan Tigers 10 pa 4 den Liga 50
WILLEMSTAD- Djasabra dia 2 di ougùstùs kampionato Liga 50 a kontinuá ku 4 wega na Van Engelen Ballpark. Lions a gana Flamboyan Tigers ku skor di 10 pa 4. Pa loke ta trata e 3 otro weganan, Pitufos a derotá Marlins pa medio di nòkout 13 – 0, Ban Serio a pasa riba Mon Repos Sluggers ku skor di 12 pa 5 i Baranka/Sharks a nòkout e ekipo Catpower 13 pa 3.
RESULTADONAN
Lions 10, Flamboyan Tigers 4
Lions tabatin 13 hit i nan a kometé 3 eror. Luis Alcantara a gana. Robert Trinidad, Nelly Jacoba ku Ludwig Mathilda, tur a bai di 3-2. Herbert Lucas, Sendy Marceli, Luis Alcantara I Ettiene Maria, tur a bai di 2-1. Richard Moesker a bai di 1-1. Pa Flamboyan Tigers 9 hit ku 5 eror. Rene Hooi a pèrdè. Ruben Snoyl i Gilbert Juliet, ámbos a bai di 3-2. David Rodriguez a bai di 2-2. Robertico Castillo i Herbert Perozo, kada unu di 2-1.
Pitufos 13, Marlins 0
Pitufos a dal 10 hit i nan a hunga sin eror. Johan Cicilia tabata picher ganadó. Sharlon Hanst a bai di 3-2. Jurgen Kronstadt, Sharlon Louisa i Luis Coffie, tur a bai di 2-2. Arthur Davelaar ku Sidney de Windt, ámbos di 2-1. Pa Marlins 1 hit ku 1 eror. Norman Provence a resultá pèrdèdó. Gerald Zimmerman a bai di 1-1.
Ban Serio 12, Mon Repos Sluggers 5
Ban Serio tabatin 9 hit i nan a hunga sin eror. Frensel Martinus a bai ku e viktoria. Marlon Winklaar a bai di 3-2. Miro Daal, Charlton van Thijs ku Rignald Floranus, tur a bati di 2-1. Harold Rosinda a bai di 1-1. 3 hungadó a bai di 3-1. Mon Repos Sluggers a dal 7 hit i nan a hasi 5 eror. Anthony Pieter a karga ku e derota. Lesley Fer a bai di 2-2. Victor Hernandez, Reynold Clements i Gladwin La Cruz, tur a bai di 2-1. Aegido Juliana i Sherman Lourens, ámbos a bai di 1-1.
Baranka / Sharks 13, Catpower 3
Baranka / Sharks a dal 16 hit i nan a kometé 1 eror. Frensel Brandao tabata ganadó. Abelino Julia a bai di 3-3. Curtly Valeriaan, Herbert Balentina i Gregory Reina, tur a bai di 3-2. Cedrix Valies a bai di 2-1. Wendell Anthony , Gilbert Denisia ku Sharlon Chirino, tur dos a bai di 1-1. Pa Catpower 9 hit ku 2 eror. Norman de Roon a resultá pèrdèdó. Norwin Moesquit, Rudsel Poulina, Edphrim Cicilia, Norman de Roon, Vernon de Lanooi ku Hendrik Gabriel, tur a bai di 2-1.
