Mairoshendrick Martinus kampion Homerun Derby na final di Curacao Baseball Week

Mairoshendrick Martinus kampion Homerun Derby na final di Curacao Baseball Week

WILLEMSTAD - Mairoshendrick Martinus  a gana di Shakir Albert den final di Homerun Derby di Curacao Baseball Week, djabièrnè 5 di yanüari den Bam Bam Tech dilanti un púlbiko grandi. Bam Bam Tech tin e 3 tunnelnan di bateo den tribune pa fanátikonan wak wega, miéntras ku pafó di Bam Bam Tech tambe tabatin Big Screen pa fanátiko por sigi e Homerun Derby.

‍

E peloteronan ku a partisipá tabata Mairoshendrick Martinus, Shakir Albert, Curley Martha i Clay Winklaar. Mairoshendrick i Shakir Albert a pasa pa final.  For di djamars e Curacao Baseball Week a start i tabatin klínika pa hungadónan riba djarason, djaweps i djabièrnè. Tabatin klínika pa umpire i coachannan tambe. Djasabra a klousurá ofishalmente ku Golf na Old Quarry na Santa Barbara.

Klínika pa hóbennan di Minor i Little  na Tio Daou Ballpark

WILLEMSTAD -Djaweps 4 di yanüari tabata di 3 fecha di Curacao Baseball Week i di dos fecha di klínika. Ayera tabatin mas o ménos 285 mucha di Minor/Little League na Tio Daou Ballpark.  Grandinan manera  Xander Bogaerts, Kenley Jansen, Ozzie Albies, Jonathan Schoop, Didi Gregorius, Coco Balentin, Hensley Meulens, Juremi Profar, Calvin Maduro, Eugene Kingsale, Shakir Albert, Laech i Marvin Benard tabata presente i a duna klínika.

Naturalmente e legendario Dusty Baker ku ta disfrutando di Kòrsou tambe tabata presente dunando klínika.  Masha hopi mayor i fanátiko den tribune i despues di training nan por a saka pòtrèt ku tur mucha i coachnan.  Pa 7’or tabatin training pa umpire i coachnan na Tio Daou Ballpark.

Djabièrnè tin e último klínika ku ta pa muchanan di T- Ball i Pre Minor na Didi Deeds Field na Terra Corra. Anochi tin Homerun Derby kaminda hóbennan prospekto i algun pròf lo kompetí. Hóbennan ku lo kompetí ta Mairoshendrick Martinus, Curley Martha, Qshawn Legito i Shakir Albert. Djasabra tin Celebrity Golf Tournament na Old Quarry.Nos tin pòtrèt tambe di Klínika pa T- Ball i Pre Minor ku a tuma lugá na Didi Deeds na Tera Corra.

‍

‍

Tur mucha i coachnan despues di training.
Ozzie Albies ta train e segunda base nan.
Xander Bogaerts i Dusty Baker den kombersashon.
Shai Martis i Calvin Maduro ku klinika pa pichernan.
Didi Gregorius Johaimry Gregorius i Dusty Bakers sakando portret despues di klinika.
Jonathan Schoop i Xander Bogaerts firmando pa e muchanan.
Dudley Leonora ku grupo durante training.
Goeloe ta train kèchernan.
Hopi mayor i fanátiko na Tio Daou Ballpark.

‍

MAS INFORMASHON DI BEISBÒL I SÒFTBÒL

Fanátikonan di Deporte Kòrsou bonnochi i felis wikènt.  Nos ta bai un wikènt ku algun moveshon den deporte. Djabièrnè 5 di yanüari tabatin apertura di Torneo FABB ku partisipashon di 15 ekipo. Wikènt 18 pa 21 di yanüari ekiponan di Aruba lo yega pa hasi e torneo mas kayente ainda.  Varios informashon importante entre otro ku e torneo a start 27 aña pasa dia 11 di yanüari 1997 komo un torneo warm-up riba tereno di Rising Trotters ku despues a bira Sam Bunting Ballpark.•

* * * * * *

Peloterenonan manera Kenley Jansen, Jonathan Schoop, Mariekson Gregorius, Andrelton Simmons, Jurickson Profar, Ozzie Albies, Cedanne Raphaela tur e hunga den Torneo Andruw Jones/Kenley Jansen/FABB. Na 2012 e torneo a bira Torneo Kenley Jansen i despues Torneo FABB.  Torneo FABB 2024 ta dediká na Mark (Gordo) Van Zanten i Xander Bogaerts lo tira promé bala pa apertura ofishal di e torneo.  Nos lo tei ku kobertura di e torneo aki manera ya a bira un tradishon. Curacao Baseball Week a sigi djabièrnè atardi ku Homerun Derby i klinika pa hobennan na Didi Deeds Ballpark despues tabatin Homerun Derby den Bam Bam Tech, algun úniko, Homerun Derby indoor.  Mairoshendrick Martinus a gana di Shakir Albert den final.•

* * * * * *

Ban pa Slowpitch bèk un ratu. E aña aki no tin Torneo Survivors pero na lugá di torneo Survivors tin Amstel Bright Premier Cup ku lo start den yanüari. Na 2016 torneo Survivors a kombiná Slowpitch huntu ku Fastpitch Maskulino. Na e okashon ei ekipo Survivors mes a arma un tim i bira kampion di e torneo. Wim Felica a sali kampion bate di e torneo i picha e wega final. Wim tabata kampion picher tambe. Ketu bai un dje grandinan den picheo di Slowptich apesar di su edat. Wim lo kumpli 67 aña e temporada aki i te ainda un dje gran pichernan den 60+.•

* * * * *

E aña ei den final Fastpitch tabata ekipo Suffisant Eagles ku a bira kampion ganando di Clase Aparte. E torneo ei tabata dediká na Julio Marakucho Hellburg i a rekordá Selekshonnan di Fastpitch Maskulino di Antia ku a bira kampion respektivamente na Colombia 1978 i 1985. Ku grandinan manera Mirto Martina, Jozef Martina, Robert Ersilia, Andre Chance, Clovis Lodewijks, Eddie Sloop i hungadónan manera Son Sofia, Bencho Imperator, Wendell Libiana i otronan. Hopi di nan no ta huntu ku nos mas.  Un selekshon di Liga Pabou  a gana di Liga Pariba e fecha ei ku Naai Hooi tirando pa Liga Pabou i bashando ponche sin fin. •

* * * * * *

Aña pasa nos tabatin vários kampion nobo den Slowpitch. Interesante pa sa si nan lo bai pa dos título sigi. Ekiponan manera Jaws den Liga van Engelen, Gamers den Liga Amstel, Ban Serio den Liga 50, Sin stress den Liga di Nos Tur a bira kampion bashando grandinan abou. Na momentu ku ekiponan nobo bira kampion semper e sigiente aña kosnan ta bira interesante.  Den Beisbòl Dòbel A tambe tabatin un kampion nobo kaminda Royal Scorpions a bira kampion despues di 11 aña. Mayoria Liga ku ta hunga na Van Engelen Ballpark lo start den luna di mei.•

‍

•

* * * * *

Fin di 2023 Andrelton Simmons a anunsiá su retiro pa loke ta Major League Baseball. Pa nos un dje mihónan di tur tempu komo shortstop. Tabatin grandinan manera Ozzie Smith, Omar Visquel ets, pero banda di brasa fuerte Andrelton a bari hopi di nan, ke men bon man i bon brasa tambe. Andrelton Simmons no a retirá for di Beisbòl si, ela retira for di Major League Baseball.  Nos a disfruta di Andrelton Simmons su hazañanan den short. Lastima ku a no a yega Seri Mundial pa pone su pelíkulanan i dimes World Series bo ta haña mas atenshon.

* * * * * * 

Deporte Kòrsou a risibí  informashon ku tata di nos amigunan di deporte Orsendo i Edison Clemencia a bai sosegá. Ta tata tambe di deportistanan Rizaida Clemencia, Nestor i Treason Clemencia. Kondolensia i forsa na famianan di e defuntu. Kompañero di bida di Marlon Romer di Jaws a bai sosega. Entiero di ser keri di famia Clemencia i di famia Römer a tuma lugá djasabra. Nos ta keda te aki pa awe. Te mayan ku Poder di Dios

‍