Marlins a gana Ban Serio 8-7 i mas deporte di wikènt

Marlins a gana Ban Serio 8-7 i mas deporte di wikènt

Marlins a laga Ban Serio den tereno den e wega klèsh di Liga 50 djasabra mainta na Suvek Ballpark. E wega a terminá 8-7 ku hit di Jeffrey Martina ku base yen. Pitufos a gana Lions fásil. Flamboyan a derotá Jaws.
Den Liga Amstel Thrillers a dal Terremaster 18-9, Sugar a gana Gamers 14-13, Bombers a derotá X-Treme 13 pa 4, Cicoza a nòkout Terremaster 17-5. Masha hopi hende mes na Van Engelen Ballpark pa wak hungadónan di e dos liganan den akshon.

‍
Den Beisbòl Veterano Crackers a dal Santa Maria. Bulddogs a derotá Vosama. Deporte Kòrsou ta pendiente pa e resultadonan.

‍
Djabièrnè Santa Maria a dal Groot Kwartier durisimo 14-3 den Stadion Johnny Vrutaal. Djasabra Royal Scorpions a deortáa Marchena 14-5.
Djasabra tantu Beisbòl Hubenil komo Klase A a start. Hubenil den Stadion Johnny Vrutaal i Klase A na Montab.
Den Sòftbòl Femenino Veterano djabièrnè na Frank Curiel Ballpark Shining Stars a derotá Join Me 5-3 i Un Kara a gana Chilling pèrta, 4-2.