Marlins ta gana Jaws 12-11 den partido emoshonante den Liga 50
WILLEMSTAD – Marlins ku bon relevo di Dudley ‘Dudu’ Penso i bateo di Amarildo ‘Bani’ Coffie ta derotá Jaws ku skor di 12-11 djasabra mèrdia dilanti un bon públiko na Van Engelen Ballpark. Dudu Penso a drenta den di dos inning, picha 4 inning i tuma dos kareda. Bani Coffie a bati di 2-2 ku 3 empuhá. Gilford Schmidt a dal doblete klave den ultimo inning i kore te home riba eror di infield di Jaws. Jaws tabata 9-3 dilanti den e wega. Den e otro wega ekipo Baranka a gana Lions ku skor di 7-5. Wega ku mester a bira kandela entre Ban Serio i Pitufos a keda suspendé pa motibu di awaseru. E wega tabata den promé inning i un palu di awa a kuminsa kai. Pitufos a habri ku Rignald ‘Naai’ Hooi. Wega di 4’or entre Artemisia i Catpower tambe a keda suspendé.
Marlins 12, Jaws 11
Marlins a dal 10 hit i hasi 1 eror. Dudu Penso a gana den relevo di Gilbert Henrietta. Bani Coffie a bati di 2-2.
Jaws a konekta 15 hit i a kometé 2 eror. Fernando Rosario tabata e picher pèrdèdó. Fransje Lambertina a bati di 2-2.
Baranka 7, Lions 5
Baranka/Sharks a konektá 7 hit i hunga sin eror. Kenneth Ortega a gana i Gregory Reina a bati di 3-2. Charles van Thijs a dal un homerun den tereno pa rightcenter.
Lions a konektá 4 hit i hasi 1 eror. Sandy Marcelia a bati di 1-1.
STANDING
Ban Serio 2-0
Artemisa 2-1
Marlins 2-1
Baranka 1-1
Jaws 1-1
Sluggers 1-1
Flamboyan 1-2
Pitufos 0-1
Lions 0-3
Pitufos 0-0
