Little Pariba dilanti 2-1
Minor Pabou ta gana 3 wega sigí i gana e seri den play-off RBC Royal Bank
WILLEMSTAD- Selekshon di Minor Pabou a gana su di 3 wega stret i ta bira e selekshon number 1 di e kategoria menshoná. Selekshon Minor Pabou a gana Pariba ku skor di 9 pa 1 djarason atardi den Stadion Post 6. E otro weganan di e seri a terminá 14-0 (djaluna) i 8-4 (djamars). Den kategoria Little ekipo Pariba a gana di Pabou ku skor di 9 pa 4 djarason i pika dilanti 2-1 den e seri. Pariba a gana dos wega sigi despues di a pèrdè e promé wega ku skor djaluna último ku skor di 5-1. Pariba Little a gana Pabou djamars 4-3. Awe play-off ta sigi pa 7’or pm den Stadion Post 6 ku wega entre Pariba i Pabou den kategoria Little.
Djarason 14 di yüli
Pabou 9, Pariba 1 (Minor)
Pabou a dal 6 hit i kometé 1 eror. Ziano Schoop tabata e picher ganadó. Shemar Sophia Jacobus a bati di 3-2. Jaydlyn Wiel di 4-2. Jean Ferreras di 1-1.
Pariba a konektá 5 hit i hasi 1 eror. Raygentely Rifaela tabata e picher pèrdèdó Quasyin Rojer a bati di 2-2, Ken-Jay Phelipa i Gianiro Martina di 1-1.
Pariba 9, Pabou 4 (Little)
Pariba a bati 3 hit i hasi 1 eror. Picher ganadó tabata Tizaino Maximiliana. Mihó batiadónan tabata
Raishelon Ogenia di 2-1. Jayniel O’Niel i Tizaino Maximiliana a bati di 3-1.
Pabou a dal 7 hit i kometé 1 eror. Picher pèrdèdó a resultá Sherrintley Da Costa Gomez. Gilvelton Josephina a bati di 3-2.
