Mon Repos Sluggers ta sorprendé Marlins ganando 9 pa 1
WILLEMSTAD- Mon Repos Sluggers ku bon picheo di Axel Gomez a dal Marlins 9 pa 1 den Liga 50 djadumingu último na Van Engelen Ballpark. Un derota pisá pa Marlins ku tabatin mester di viktoria pa klasifiká. Den otro wega Ban Serio a dal Jaws 4 pa 1. E wega tabata empatá na 1 te den di 6 inning. Flamboyan/Tigers a zona Catpower 17 pa 2 i Baranka a pasa fásil riba Artemisia ganando 11 pa 3.
Mon Repos Sluggers ku viktoria di 9 pa 1 riba Marlins.
RESULTADONAN
Flamboyan Tigers 17, Catpower 2
Flamboyan tabatin 19 hit sin eror. Edwin Martina a gana i Michel Daou a bai di 3-3. Ruben Snoyl, Stanley Palm i Gilbert Juliet, tur a bai di 3-2. Vernon De Lanooi, Gerthon Matrona ku Edwin Martina, tur 3 a bai di 2-2. Richinel Mauricia a bai di 1-1. David Rodriguez, Lyndon Lourensz ku Johnny Zandwijken, nan tur a bai di 2-1. Gilbert Juliet a konektá 1 homerun. Pa Catpower 4 hit ku 1 eror. Ellison Brunken a pèrdè. Gabriel Hendrik di 2-2. Oscar Brunken ku Eldred Juliana, ámbos a bati di 2-1.
Baranka Sharks 11, Artemisia 3
Baranka a dal 13 hit i nan a kometé 2 eror. Kenrick Hellement tabata ganadó. Sedeney Lourens a bai di 3-3 i Dennis Dambruck di 3-2. Elvis Lourens, Sendly Reina i Curtly Valeriaan, tur a bai di 1-1. Edmar Cornelia, Fisel Pereira ku Robertico Ramazan, tur 3 a bai di 2-1. Herman Gumbs ku Gregory Reina di 3-1.
Artemisia tabatin 6 hit ku 1 eror. Claifson Domacasse a resultá pèrdèdó. Frensel Martina a bai di 3-2.
Charles Daal i Richel Baromeo, ámbos a bai di 2-1. Bryan Esclodina ku Edwin Thielman di 3-1 ámbos.
Ban Serio 4, Jaws 1
Ban Serio tabatin 7 hit ku 2 eror. Miro Daal a gana i Albert Pieternella a bai di 3-2. Hensley Josephina a bai di 2-2. Geronimo Daflaar i Reinaldo Casimiri, ámbos a bai di 2-1, Fabianie Orcadio di 3-1. Jaws a dal 6 hit i nan a hunga sin eror. Fernando Rosario a pèrdè. Rudsel Schmidt a bai di 3-2. Victor Caldera, Fernando Rosario i Albert den Hartog, tur a bai di 2-1. Fransje Lambertina di 3-1.
Mon Repos Sluggers 9, Marlins 1
Mon Repos Sluggers tabatin 9 hit i nan a kometé 1 eror. Axel Gomez a bai ku e viktoria. Albertico Leito ku Axel Gomez, ámbos a bai di 3-2. Dudley Felicia, Ivan Constancia ku Wendell Isidora, tur a bati di 2-1.
Victor Hernandez ku Hilbert Cicilia a bai di 3-1. Pa Marlins 4 hit ku 4 eror. Lionel Li a karga ku e derota.
Gregory Zimmerman a bai di 1-1. Eugene Antonia ku Patrick Elisa di 2-1 i Amarildo Coffie di 3-1. Gregory Zimmerman a konektá 1 homerun.
