Montanja Ariba kampion Minor i Montanja Abou kampion Little Torneo FABB
WILLEMSTAD – Djadumingu 21 di yanüari 2024, Torneo di Minor/Little League organisá pa Fundashon Akademia di Beisbòl Brievengat (FABB) a terminá ku partisipashon di ekiponan di Minor i Little di Aruba. Ekipo Montanja Ariba a bira kampion den Minor ganando Aruba Noord 9-0.
Ekipo Montanja Abou Little a gana di Montanja Ariba ku skor di 2-1 pa bira kampion den Little. Despues di wega tabatin entrega di premio den presensia di Minister di Enseñansa, Siensia, Kultura i Deporte sr. Van Heydoorn, Mark ‘Gordo’ van Zanten na ken e torneo ta dediká i dirigentenan di FABB. Nos tin entrega di premio di ekipo i premionan individual i vários pòtrèt.
MINORKampion: Montanja Ariba;Supkampion: Aruba;Terser lugá: Trai Seru;Puesto nr kuater: Brievengat.
PREMIO INDIVIDUALKampion Bate: Shurandy De Roon Pieters (Brievengat);Kampion Pitcher: Xiaejay Genaro (Montanja Ariba);Hungadó Mas Balioso: Yerick Griffith (Montanja Ariba).
LITTLEKampion: Montanja Abou;Supkampion: Montanja Ariba;Terser Lugá: Van Engelen;Puesto nr kuater: Trai Seru.
PREMIO INDIVIDUALKampion Bate: D’Shawn Mills (Montanja Ariba);Kampion Pitcher: D’Harvion Haard (Trai Seru);Tim Mas Disipliná: Van Engelen;Hungadó Mas Balioso: Gianiro Martina;Kampion Homerun: Gideon Jorge James;
MAS INFORMASHON DI BEISBÒL I SÒFTBÒL
Fanátikonan di Deporte Kòrsou, bon dia. Nos tei atrobe ku informashon di Beisbòl i Sòftbòl. Awe nos tin e resultadonan final di Torneo Fundashon Akademia di Beisbòl Brievengat (FABB). Pabien na ekipo Montaña Ariba ku a bira kampion di e torneo den kategoría Minor i ekipo Montanja Ariba ku a bira kampion den kategoría Little. Den kategoría Minor tabata Aruba ku a bira supkampion i den Little tabata ekipo Montanja Ariba. Un torneo eksitoso atrobe ku a start djabièrnè 5 di yanüari i terminá djadumingu último 21 di yanüari na Van Engelen Ballpark.
Miéntras tantu direktiva di Liga Pariba i despues esun di Liga Pabou a skohe nan téknikonan pa loke ta trata play-off 2024. Manera semper tin reklamonan aki i aya, pero nos no ta bai masha den detaye. Play-off ta programá pa start medio aprel i e kampionato di intermediate den luna di mart. Nos tin algun informashon no ofishal, por ehèmpel Intermediate ta hunga un total di 12 wega, durante 4 wikènt kuminsando dia 1 te dia 24 di mart 2024. E weganan ta djabièrnè, djasabra i djadumingu. Ta hunga 1 wega pa dia. Junior i Senior ta hunga Best of 5. Junior di 19 pa 23 di aprel i Senior di 24 pa 28 di aprel 2024. Minor ta hunga eliminashon dòbel di 26 pa 30 di aprel i Little ta hunga di 27 pa 5 di mei 2024. Little League Caribe ta hunga di 14 pa 21 di yüli 2024. Tene kuenta ku esakinan ta den plan i no ta ofishal.
Ban pa Sòftbòl Slowpitch. Preparashonnan ta sigi full swing pa Amstel Bright Premier Cup ku ta start e weganan aki. Tin e sigiente divishon. 1. Divishon “Social Corporate”, pa e kompania ku realmente ke traha riba kolegialidat i tambe dibertí. 2. Divishon “Social Open”, pa e organisashon/grupo nan sosial (no kompania) ku ke hasi deporte i dibertí. 3. Divishon “CO-ED Corporate”, pa e kompania ku realmente ke traha riba kolegialidat i tambe dibertí, muhé i hòmber kombiná. 4. Divishon “CO-ED Open”, pa e organisashon/grupo nan sosial (no kompania) ku ke hasi deporte i dibertí, muhé i hòmber kombiná. 5. Divishon “Seniors 60” pa nos sòftbòlistanan di Liga 60+. 6. Divishon “Seniors 50” pa nos sòftbòlistanan di Liga 50+. 7. Divishon “Modified 40” pa nos sòftbòlistanan eksperenshá (40+) i kompetitivo. 8. Divishon “Modified” pa nos sòftbòlistanan mas hóben i kompetitivo. Por agregá òf kambia hungadó riba lista. Mester pone komishon organisadó na altura promé ku e hungadó partisipá den wega.
Después ku ekipo kaba di hunga su weganan di e promé rònt no por agregà ni kambia mas hungadó riba lista.
Nos tin tambe algun ekipo ku ta partisipá espeshalmente den e liga hopi popular ku ta Liga 50. Ekiponan Artemisia, Jaws, Pitufos, Sluggers, Flamboyan, Lions, Marlins i Jandoret Raiders. 7 ekipo di e 10nan di Liga i ekipo jandoret Raiders di Beisbòl Veterano ku tur aña atrobe ta partisipá den Amstel Bright Premier Cup. A parti e ekiponan den dos pul di 4. Den 60+ ta ekiponan Nos Tambe Por, Pitufos, Jaws i Los Amigos lo partisipá. Ekiponan popular ku ta partisipá ta The New Radiator, Brandweer, Keyfin/Pinnacle, CITCO, MCB, Chonchies, Kustwacht, Selikor, SOAB, Belastingdienst, ADC, Bala Brothers, Among Us, Aqualectra, Building Depot. Curoil, Renaissance, Quick’60 Corendon/Karakter. Ekiponan di 40+ ta Bombers, Jaws, Cicoza, Legends. 65 tim den 10 kategoria, Amstel Bright Premier Cup tremendisimo atrobe.
Nos a risibí informashon ku tin un ekipo nobo di 50+ pa loke ta trata Beisbòl Veterano. Un ekipo ku lo tin spònser i tur detaye kaba i ta warda OK di BEVEKO pa sigi move. Ekiponan di Beisbòl 50 ta 4 i ta riba kaminda pa bira 5 ekipo manera tabata e kaso na aña 2022. Aña pasá ekipo Sigi Hunga a bira kampion despues ku Jandoret Raiders tabata 5 aña sigí kampion. Intenshon ta pa kuminsá Liga 50 di Beisbòl mas tempran. Na 2023 e liga a kuminsá hopi lat i mester a organisá un play-off riba man pa por terminá pareu ku Liga 40. Djasabra awor Amstel Bright Premier Cup ta start ku weganan entre Artemisia – Jaws sigí pa Flamboyan - Lions. Nos ta keda te aki pa awe i te mayan ku Poder di Dios.
%20copy.jpg)
