Juegos Bolivarianos 2025
Natashon ta konkluí nan partisipashon na Peru den Juegos Bolivarianos 2025 wega di Beisbol Live aworaki
LIMA – Despues di vários dia di kompetensia natashon ta konklui aki na Juegos Bolivarianos Lima, Peru 2025. Kòrsou a partisipá ku dos hobensita ku a bin kue eksperiensia I hasi fogeo komo preparashon pa weganan hubenil Suramerikano di otro aña ku Dios ke na Panamá kaminda ku nan tin bon chèns pa logra medaya. Lia Pollit (15) I Gabrielle Johannes Maduro(15) a duna lo maksimo pa kompeti kontra di e grandinan di Suramerika den natashon. Pa loke ta e último resultadonan ta lo siguiente: 200 meter lomba ta tin 11 partisipante I Gaby ta finalisá na di 11 puesto ku un tempu di 2.36.04.
50 meter estilo liber ta tin 15 partisipante I Lia ta finalisá na di 10 lugá ku un tempu di 27.40 mientras ku Gaby ta kaba na puesto 15 ku un tempu di 29.29. Un danki speshal ta bai na e 2 hobensitanan aki ku a representá Kòrsou dignamente aki na Lima, Peru. FDOK ta desea e 2 hobensitanan aki tur klase di eksito pa futuro. Tiru deportivo tambe a kontinuá ku Ingrid Gonesh kompetiendo den e kategoria di pistol distansia di 25 meter. Un total di 15 tiradó a partisipá i Ingrid a finalisa na puesto number 12. Tiru deportivo ta kontinuá mayan ku su kompetensia kaminda ku nos Ingrid Gonesh lo kompetí atrobe. Delegashon di Biar i Vòlibòl a yega Lima, Peru pa nan kompetensianan ku ta start djabièrnè próksimo. Den vòlibòl tin 4 pais so ku ta kompetí i esaki ta hasi e chèns pa Kòrsou logra un medaya hopi grandi. Juegos Éksito na nos delegashon di Biar I tambe Vòlibòl durante di Juegos Bolivarianos aki na Perú.
