Nochi di informashon pa dirigentenan di Liga Soraida Juliana i informashon di biyar
Willemstad –Djarason 22 di òktober, den un ambiente ameno, a tuma luga e Kick-off meeting pa coachnan organisá dor di Curaçao Little League Softball (CLLS). Esaki tabata un anochi informativo kaminda CLLS a presentá e plan nan pa e Kampionato 2026 (Liga Soraida Juliana), ku lo kuminsá 1 di novèmber 2025.
E Kampionato 2026 ta dediká na Coach Nydia Daal, un persona ku hopi dedikashon pa siña nos hobenan e deporte di sòftbòl. E ta hasi esaki ku amor, pasenshi, atenshon i – mas importante aún – ku un konosementu profundo pa e deporte atmirabel aki.
Den e plan nan pa kampionato 2026, CLLS tambe a informá e coachnan di un klinika spesial ku lo tuma lugaápa coachnan, duna dor di Isonette Polonius, kaminda nan por sigui desaroyá nan abilidat i konosementu.
Despues di e sekshon informativo, e anochi a sigui ku un brindis i happy hour, duna oportunidat pa tur coachnan sosialisá i pasa un rato agradabel huntu.
CLLS ke invita pueblo di Kòrsou pa bin apoyá nos hobenan durante e Kampionato 2026, i pa sigui nos plataforma sosial riba Facebook pa tur schedule i informashon tokante CLLS.
Michael Arvelo na Juegos Centro Americano na Guatemala
Ya tur kos ta kla pa komienso di Juegos Centroamericanos pa lokual ta trata e disiplina di biyar . Villa Deportivo di Sacatepéquez den La Antigua Guatemala lo ta esenario di e weganan . Michael Arvelo nos rïfri internashonal di biyar ya ta presente i a tene su promè enkuentro tékniko ku tur e rèfrinan ku ta trahando den e gran evento aki . 8 mesa di biar , 6 di pool i 2 di karambola ta na disposishon di e atletanan di e 6 paisnan partisipando . Awe diasabra ta ranka sali ku apertura ofishal sigì pa e promè partidonan . Eksito na Michael Arvelo den e gran kompromiso internashonal y sigi saka Korsou su kara
