Nos Kos ta keda invikto den Futbòl Veterano 50+
WILLEMSTAD- Djasabra último den Stadion di Jong Colombia, bou di presénsia di un bón públiko a tuma lugá e di 6 hornada di Temporada Futbòl Veterano 50+ 2025.
Den e promé partído Dekada ’90 ta gana
3 – 0 di Spartans Golnan tabata di Furgin Francisca, Gilbert Sambo i Tyron Rosini.
Den e di dos partído Jong Colombia ta gana 4 – 0 di Moonchi Boys ku golnan di Shurmel Lodowika, Erickson (Eriko) Zimmerman i Roberto Vargas (2).
De Koning den partído number 3 ta gana 2 – 0 di DTS.
Golnan anotá pa Nelson Mariana ku Igmar (Jimmy) Wolf.
Ku e viktoria di 3 - 0 kontra Bonam, Nos Kos ku gol nan di Egbert Rijnschot i Cherum Muzo (2x) ta prolongá su racha di invíkto den e aktual kompetensia.
FINAL PROMÉ BUÈLTA FUTBÒL VETERANO 50+
Djasabra, 16 di ougùstùs 2025 – Stadion Jong Colombia, Boka Samí e promé buèlta ta kaba ku 4 partído hopi interesante.
Bonam tin ku gana Spartans pa sali for di sótano.
Nos Kos ke mantené su invikto kontra un Jong Colombia ku a pèrdè sòlamente ún partído.
De Koning mester gana pa evitá ku Nos Kos ta kwe bentaha di 6 punto riba dje.
Tantu DTS komo Moonchi Boys ke skapa di e roséa di Bonam ku a bin ta hungando mihó kada wega.
PROGRAMA:
6:00 or – DTS v/s Moonchi Boys
7:00 or – Bonam v/s Spartans
8:00 or – Jong Colombia v/s Nos Kos
9:00 or – Dekada ’90 v/s De Koning
Por parker padén riba propio riesgo entrada ta gratis. Kos di kome i bebe ta na lugá.
No pèrdé e último hornáda i alabes final di promé buèlta ku ta primintí di bira hopi interesánte.
