Nos selekshon mester di mas hungadó di nivel haltu
Skibí pa Pepi Sulvaran
WILLEMTAD.- Nos a nota ku ta ampliando e kuerpo tékniko di nos selekshon di futbòl, serando kontrato ku diferente persona. Nos ta sali sin mas for di e punto di bista ku esei ta ku bon intenshon. Pero tin un regla di oro den futbòl, esta ku wega di bala bo ta gana riba tereno. Den e aspekto ei, otro for di personal di ‘staf’, apesar di su nòmber, Hiddink no a logra trese futbolista pa por hisa nos nivel aun mas. Einan si kos ta ketu.
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/6076f58c79ff5a10d530ff14_guus%20hiddink%20mart%202021.jpg)
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
E efekto di un kuerpo tékniko no mester wòrdu eksagerá. Tur kos ta kuminsá i kaba na hungando. Mester di mas hungadó di nivel. Si nos sali for di Guatemala i Panamá òf Santo Domingo, ta trabuko tin ta warda nos. CONCACAF tin 4 puesto disponibel pa Qatar. Tres direkto i un via play off. Na e momentu aki den e sekuensia aki, México, Merka, Canada i Jamaica ta e faboritonan. Laga nos tira un bista riba nan pa komprond’é kiko nos ke men.
México tin hungadónan den liganan tòp di mundu. Tin 4 den La Liga di Spaña, Diego Lainez bolante (Real Betis), Héctor Herrera bolante (Atlético Madrid), Andrés Guardado bolante-kapitan (Real Betis) i Néstor Araujo defensa (Celta Vigo). Un delantero di Napoli, Hirving Lozanoi un delantero, di Liga Premier Raúl Jimenéz (Wolverhampton). Jesús Corona (Porto, Portugal) ta kompletá e trio ofensivo. Tin dos bolante den tòp de Eredivisie tambe, Edson Álvarez (Ajax) i Érik Gutiérrez (PSV), dos hungadó di e divishon máksimo di Bèlgika, e defensa Gerardo Arteaga (Genk) i e bolante Omar Govea (Zulte Waregem). Esaki sin konta esnan ku ta hunga na México den un bon kampionato.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/605bde3722e78f47e3fa9813_FFK%20SELEKSHON%20TUR%20HUNGADO%201.7.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
Merka no ta keda’tras i ta bin ku Zack Steffen, di dos kiper di Manchester City ku a hunga Champions League. Den defensa tin Sergiño Dest (Barcelona) i dos defensa di Liga Premier di Fullham, Antonee Robinson i Tim Ream. Ademas di e talentonan Chris Richards (Hoffenheim, Bundesliga) i Bryan Reynolds (AS Roma), aparte di John Brooks (Wolfsburg), tambe di Bundesliga. Den bolante tin Tyler Adams (Leipzig, Bundesliga) i Weston McKennie (Juventus). Tin e talento Yunus Musah, un bolante di Valencia den La Liga, Reggie Cannon (Boavista, Portugal) i otro talento di 18 aña Owen Otasowie ( Wolverhampton, Premier League). Delantero no papia mes: Christian Pulisic (Chelsea) ta liderá e atake. Pero tin Josh Sergant (Werder Bremen), Timothy Weah (Lille, Fransia) i e talento di mas grandi Giovanni Reyna (Borussia Dortmund) kende ku su 18 aña ta kosta 38 mion euro.
![](https://uploads-ssl.webflow.com/5d34a02fd1cb7f04ec361a56/605dd95c9446f1169cab70de_Alexander%20Provacia%20sin%20apertura%20logo%20i%20truk%20di%20pan%20so.jpg)
![](https://uploads-ssl.webflow.com/5d34a02fd1cb7f04ec361a56/6076f607d289757ec4e7d4d5_sergino-dest-fc-barcelona-1602662925-49097.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
Un tiki ménos ku Merka ta Canada, ku dos hungadó fuera di serie. Alphonso Davies (Bayern Munich), nasé na Ghana, e di sinku hungadó mas karu na mundu. Den Bayern e ta hunga tur kaminda riba e banda robes, pero mas be den defensa. Pa Canada e ta hunga riba mes línea robes pero den atake. E di dos atakante peligroso ta e delantero Jonatahan David (Lille). Nan tin dos hungadó den divishon máksimo na Portugal, e defensa Steven Vitória (Moreirense) i e bolante Stephen Eustáquio (Paços Ferreira). Tin dos hungadó den divishon máksimo di Turkia, e bolante Atiba Hutchinson i e delantero Cyle Larin, ámbos den Beşiktaş. Bala pena menshoná e kompañero di ekipo di Leandro Bacuna, e delantero Junior Hoilett (Cardiff City). Den bolante e hóben Theo Carbeanu (Wolverhampton) ta primintí hopi pa futuro. E veterano David Wotherspoon (St. Johnstone) tin eksperensia den e liga máksimo eskoses. Nan ta bin ku un portero di eksperensia, Milan Borjan di Strea Kòrá di Belgrado.
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/6076f6a960e1162d4396983f_jamica%20selekshon%201.8.jpg)
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
E pais ku mas ta reforsando ta “Reggae Boyz”. Nan tin hopi potensial kandidato na Inglatera. Ya nan a inkorporá e defensa veterano Adrian Marriapa (Bristol City) ku hopi eksperensia di Liga Premier i Michael Hector, defensa den Liga Premier ku Fullham i kompañero di ekipo i di selekshon di e delantero Decordova-Reid. Leon Baily (delantero di Bayer Leverkusen) ta un di nan streanan.
Pero Jamaica tin plan mas serio. Nan ta trahando intensivamente riba 9 hungadó grandi na Inglatera. E defensa di Everton, Mason Holgate, e delantero Nathan Redmond (Southampton), e bolante Isaac Hayden (Newcastle United), tur di Liga Premier.
![](https://uploads-ssl.webflow.com/5d34a02fd1cb7f04ec361a56/5f2039ce113db554e5c07af4_montana%20auto%20parts%20web%20pa%20aviso.jpg)
![](https://uploads-ssl.webflow.com/5d34a02fd1cb7f04ec361a56/6076f7290f279c9ce2bf9bdb_canada%20selekshon.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
Ademas e delantero Demarai Gray (Bayer Leverkusen), e bolante Kemar Roofe (Glasgow Rangers) den divishon máksimo eskoses i esnan ku ta hunga den Championship riba nivel di Bacunanan, manera e defensa Max Aarons (Norwich), e delantero Andre Gray (Watford), e defensa Liam More (Reading) i e delantero Ivan Toney (Brentford). Ta kalkulá ku si Jamaica logra haña e hungadónan aki òf un gran parti di nan, nan lo bira e pais di mas fuerte den CONCACAF. Nos ta spera ku tur hende por komprondé awor di kon ‘Pantera Negra’ mester move i reforsá purá!!
![](https://uploads-ssl.webflow.com/5d34a02fd1cb7f04ec361a56/605f651102e9b567e3f05b87_La%20Fogata%20plat%20real.jpg)
![](https://uploads-ssl.webflow.com/5d34a02fd1cb7f04ec361a56/5f340ebc10e0c3c5f573f467_jerry%20booi%20aviso%20real%20real.jpg)