NOS SELEKSHON NASHONAL KU 2 PARTIDO DI FOGEO NA INDONESIA!
DIANAN 24 I 27 DI SÈPTÈMBER PRÓKSIMO!
WILLEMSTAD - Resientemente nos selekshon nashonal maskulino a risibí un invitashon di parti di Football Association of Indonesia (PSSI) pa partisipá na 2 partido amistoso. Esaki despues di a risibí vários invitashon di otro paisnan ku tambe ke mira akshon kontra di nos selekshon. Den e dianan tras di lomba FFK a firma e kontratonan korespondiente i awor di forma ofisial nos ta anunsiá algun detaye di e partidonan di fogeo aki.
Nos selekshon lo enfrentá e selekshon nashonal di Indonesia riba dianan 24 i 27 di sèptèmber 2022 na Gelora Bandung Lautan Api Stadium na e siudat di Bandung miéntras e segundo partido lo ta dia 27 sèptèmber 2022 na Jakarta International Stadium ku ta keda na Jakarta.
E partidonan aki lo fungi komo preparashon pa nos último partido di Nations League kaminda nos selekshon nashonal lo enfrentá Canada aki na Kòrsou na mart 2023. Tambe lo marka e regreso di nos ‘bondscoach’ Sr. Remko Bicentini ku tei bèk na kabes di nos selekshon.
Den e dianan binidero nos selekshon lo sali pa Hulanda pa despues sigui pa Indonesia pa nos 2 partidonan ku ta programá pa 24 i 27 di mart próksimo.
Nos ‘bondscoach’ Sr. Remko Bicentini huntu ku su staf a yega na un lista di 40 hungadó ku ta forma parti di e lista di pre-selekshon. E hungadónan aki ta un kombinashon di nos hungadónan residensiá den eksterior i tambe hungadónan áktivo den Liga MCB Promé Divishon.
For di awor, FFK ta deseá nos selekshon tur klase di éksito ku e preparashonnan pa e partidonan di fogeo aki.
Keda pendiente pa mas informashon...
