Pabou ta gana Pariba i titulá kampion Little i Intermediate
WILLEMSTAD- Selekshon Pabou ta gana Pariba 11 pa 1 djabièrnè den Stadion Post 6 i ta number 1 di play-off Little. Den Intermediate djadumingu Pabou a swip Pariba ganando 16 pa 2 i despues 9 pa 2. Weganan di Intermediate tambe a tuma lugá den Stadion Post 6. Weganan di Intermediate mester tabata 5 wega na Sabana Ballpark, pero debi na medidanan di Gobièrnu en konekshon ku Covid, a pasa pa Stadion Post 6. Den play-off Minor, Pabou a gana e seri 3-0, den e seri play-off di Junior, Pabou a gana 3-0 i den seri Senior, Pariba a terminá 4-1 pa terminá number 1.
Pues pa loke ta trata e play-offnan di Little League Kòrsou, Pabou a bai ku e título kampion Minor, Pabou a titulá kampion Little, Pabou a sali kampion Junior i tambe Pabou a titulá kampion di Intermediate. Pariba a titulá kampion den Senior League.
