Pachito Adriana presente den dugout ku Texas Rangers durante MLB playoff i World Series

Pachito Adriana presente den dugout ku Texas Rangers durante MLB playoff i World Series

WILLEMSTAD- Deporte Kòrsou a kombersá ku Sharnol ‘Pachito’ Adriana ku ta kordinadó di bateo di organisashon di Texas Rangers e siman aki. E ta na Texas na e momentunan aki  ku ta den play-off di Liga Americana. Pachito tin 8 aña ku e organisashon Texas Rangers. E ta kordiná di bateo riba tur e divishonnan di Liga Menor. Na entre otro kampamentunan na Republica Dominicana bin ariba i parti di Latino bin kaba te na Arizona. Kordinádó di bateo pa loke ta trata e prospektonan i esnan ku ta subiendo. Pachito ta keda yamá òf asigná pa atendé ku proyektonan. Espeshalmente a hungadó/batiadó ku ta papia spaño. Pachito ta e coach den e organisashon ku por kompronde esnan ku ta papia Spaño i komuniká ku nan bon.

Pachito ta atendé ku e laboratorio tambe kaminda ta analisa batiadónan, riba lansamentunan di picher.  Pa e weganan di playoff mes ta hopi ‘huiswerk’ i análisis tin. Henter un plan di trabou tin kon ta bai ataká i hèndel e picheo kontrali.  Den Texas tin hopi hungadó na e momentunan aki den e American League Championship series aki ku Pachito ta traha ku nan durante ku tabata den liga menor promé ku nan subi manera entre otro Evan Carter, Leonis Taveras, Josh Jung ets. Adolis Garcia, Cubano ku ta komuniká den Spaño mihó.

‍

Pachito mes a hunga beisbòl profehonal 23 aña. Despues ku tabata serka di subi MLB ku Toronto i despues di e leshon ela hunga profeshonal 14 aña mas. Pachito ta yega mas ku 30 aña den Beisbòl profeshonal.

Texas Rangers ta klasifika pa World Series

WILLEMSTAD – Ekipo Texas Rangers ku tremendo bateo di Adolis Garcia i Corey Seager a gana ekipo Houston Astros i klasifika pa World Series djaluna 23 di òktober. Ekipo Texas a kita Houston for di kaminda ganando wega 7 relativamente fásil ku skor di 11-4. Texas Rangers a gana 4 wega i tur 4 wega ku Texas Rangers a gana tabata na Minute Maid Park, e parke di Houston Astros. Adolis Garcia tabata grandi den wega number 7 bayendo di 5-4 ku 2 homerun i 5 kareda empuhá.  Djamars 24 di òktober pa 8.07 di anochi lo tin wega number 7 entre  Arizona Diamondbacks i Philadelphia Phillies. World Series ta start djabièrnè 27 di oktober na Globe Field Park na Texas.

MAS INFORMASHON DI BEISBÒL I SÒFTBÒL

Fanátikonan di Extra Inning bonnochi. Wikènt pasá nos tabata na Van Engelen Ballpark pa mira e weganan di e gran final di Liga 50. Djasabra ekipo Marlins a gana Jaws pa terminá na di tres lugá den Liga 50. E dos ekiponan ku a pèrdé den semi-final, esta Jaws i Marlins a topa otro manera regla ta bisa. Den pasado ekiponan a ninga òf di un manera òf otro no a hunga wega. Den un wega emoshonante e ekipo Marlins a laga Jaws den tereno riba base por bola ku base pa Ian Leito di Marlins. E wega a terminá ku skor di 7 pa 6. Junny Pieter a bai ruta kompletu pa bira picher ganadó pa Marlins.

* * * * *

Pa loke ta trata e promé wega di e seri final entre Ban Serio i Baranka, ekipo Ban Serio a nòkout Baranka ganando ku skor di 25 pa 13.  Baranka a habri ku Gino Valeriaan ku a saka solamente un out debí na leshon. Den e seri semi-final Gino a picha i gana tur dos wega pa Baranka kontra di Marlins.  Den wega number dos Gino a sali leshoná i laga e wega ganá despues ku ela tira 5 inning i dos tersio. Kenny Hellement ku a karga e ekipo Baranka último dos añanan no ta disponibel pa picha i hunga den final. Nos a traha parti di e kolumna aki promé ku e wega number 2 di e gran final di Liga 50 entre Ban Serio i Baranka.

‍

* * * * *

Den wega number 1 di e gran final ekipo Ban Serio a dal 23 hit i konektá 8 homerun, miéntras Baranka a dal 15 hit i konekta 6 homerun. Baranka ta keda ku bon ofensiva i bon defensa, pero sin Gino Valeriaan i Kenny Hellement ta bira difísil pa wanta e poderio na bate di ekipo Ban Serio ku tin batiadónan di poder manera Kelvin Winklaar, Sherdon Rombley, Jair Josepha, Eldred Estanista, Luigi Yanez, Geronimo Davelaar ets.  Bon públiko tambe pa mira e gran final di Liga 50 na Van Engelen Ballpark. Despues tabatin wega di Liga Amstel ku a gosa di e bon públiko di Liga 50. Play-off Liga Amstel lo start e siman aki na Van Engelen Ballpark.  Nos no a risibí resultado di e weganan di djasabra.

* * * * *

Play-off di Liga 40 ta start djamars 24 di òktober na Van Engelen Ballpark. Den e promé wega pa 7.30 pm ekipo Cicoza ku a terminá na di 3 lugá lo topa ku Gamers ku a sali number 4.  Den e otro seri ta Baranka ku a sali number 1 lo hunga kontra Swift. Djaweps e serinan ta bòltu na momentu ku ekipo Swift topa ku Baranka pa 7.30 i despues Gamers vs Cicoza. Barwacht lo ta den man di Jaws tur dos dia. Standing final di buelta regular di Baranka 7-0, Swift 5-2, Cicoza 4-3, Gamers 4-3, Twister 1-6 i Jaws 0-7. E promé 4nan lo hunga play-off sistema page.

* * * * *

Miéntras tantu MLB ta sigi kayente ku plyoff. Ekipo Philadelphia tabata kasi kla pa bai World Series atrobe ku i tabatin chèns di bolbe topa e ekipo Houston den World Series. Kosnan a bòltu formal djaluna i Texas a klasifiká pa World Seriees sakando houston afó. Promé ku e wega di  djaluna anochi ekipo Phillies tabata dilanti den e seri 3-2 bayendo kas kaminda nan ta kasi imbatibel. Einan tambe sorpresa grandi i Arizona a gana e wega di djaluna 23 di òktober ku skor di 5-1. Naturalmente e bala ta rondo i tur kos por pasa.

* * * * *

Kampionato di Little League Liga Pabou ta start djabièrnè 27 di òktober pa 7’or den Frank Curiel Ballpark. Ekiponan lo desfilá saliendo for di Velt di Vesta i drenta Frank Curiel Ballpark. No ta konosí ki dia Liga Pariba ta start. RBI a start den Tio Daou Ballpark wikènt pasá. Sòftbòl Femenino Dòbel A i klase A organisá pa CSB ta bai start ku Play-off. Ban Serio a nòkout Baranka djadumingu tambe pa bira kampion di Liga 50 2023 dilanti un bon públiko na Van Engelen Ballpark.  Luigi Yanez a bira MVP di e seri final. Nos ta keda te aki pa awe.

‍