Pichingolo kampion Sòftbòl Femenino Dòbel A 2021
WILLEMSTAD- Pichingolo a bira kampion di Sòftbòl Femenino Dòbel A pa di 39 biaha den historia djarason 24 di novèmber na Sam Bunting Ballpark. Pichingolo tras di picheo di Arnalda Margaritha a gana di Souax ku skor di 6 pa 1 dilanti un públiko grandísimo. Despues di wega tabatin entrega di premio.
E kampionato tabata dediká na Leonise Avastia i pa kolmo su yu Julise Koffy a bira MVP di e seri final. E wega tabata empatá na sero te den bòm di di 3 inning i Pichingolo komo ekipo di bishita a nota 2 kareda den kabes di di 4 inning. E dos karedanan ei a resultá sufisiente pa despues Pichingolo gana 6-1. Souax a kontesta ku un kareda den di 4 inning. Pichingolo a nota 4 den di 6 inning pa seya e viktoria.
NUMERITONAN
Pichingolo a nota 6 kareda, dal 7 hit i hasi 2 eror. Arnalda Margarita a gana pichando wega kompletu. Anais Piar a bati di 4-3 i Emily Jonis a dal un homerun.
Souax a skor na 1 okashon, dal 5 hit i kometé 2 eror. Mellizienne Haynes tabata e picher pèrdèdo. 5 batiadó a bati di 3-1.
