Pichingolo ta dal Souax 14-4 den final femenino Dòbel A
WILLEMSTAD.- Playoff final di sòftbòl femenino Dòbel A a start djadumingu 4 di òktober den Sabana Ballpark i Pichingolo a dal Souax ku skor di 14 pa 4. Den e promé kuater inningnan e wega tabata bastante pareu, ounke ku Pichingolo dilanti 5-2. Arnalda Margarita tabata grandi pa Pichingolo tirando wega kompletu. Julise Koffy a bai di 3-3. Stephany Passial di 5-3 ku 4 RBI. Wega number dos di e seri final ta awe djaluna anoch 7 or na Buena Vista Ballpark.
NUMERITONAN
Pichingolo a nota 14 kareda, bati 16 hit i kometé 3 eror. Arnalda Margarita a tira wega kompleto pa bira e picher ganadó. Genevieve Hariquez a liga di 5-3 ku 2 RBI i Stephany Passial 5-3 ku 4 empuhá. Julise Koffy di 3-3.
Souax a skor 4 kareda, bati 3 it i komete 3 eror. Dianara Pieternella tabata e picher pèrdèdó.Tizony Raap a bati di 1-1.
Wega number dos ta awe djaluna anochi 7 or na Buena Vista Ballpark.
Souax Gill Sport kampion Klase A
WILLEMSTAD.- Souax Gill Sport a titulá kampion di sòftbòl femenino Klase-A ganando 5 pa 1 di Pichingolo.
Pa Souax 5 kareda, 5 hit i 0 eror. Jdah Girigorie a tira shete inning kompleto i bira picher ganadó Riante Winklaar i Sinal-Maria Sofia a bati di 2-1
Pichingolo a nota 1 kareda, 5 hit i hasi 2 eror. Melany Castro tabata e picher perdedo i ela bati di 2-1.
J’ah Girigorie a bira MVP dje playoff final despues di a gana tur tres partido pa hasi Souax kampion.
Promoshon i degradashon
Den e seri di promoshon i degradashon Vipers di Dobel A a dal Dream Girls duru ku skor di 8-1. Lysandra Ursulita a gana pa Vipers i e mes a bati di 1-1.
Djamars tin wega number 2 di e seri aki na Sabana Ballpark.
