Pichingolo ta laga Souax den tereno i falta un viktoria mas pa titulá kampion
WILLEMSTAD- Pichingolo Nissan a gana Souax pa di dos wega stret i falta un wega mas pa bira kampion di Kòrsou atrobe den Sòftbòl Femenino Dòbel A. Pichingolo a gana e wega ku skor di 6-5. Pichingolo Nissan ta kai atras 5 pa nada for di promé inning, pero ta rekuperá tiki tiki pa den bòm di inning 7 Melanny Castro-Arias bati hit di oro pa Pichingolo laga Souax den tereno 6 pa 5 i pone Souax lomba kontra muraya man na laria....
E sigiente wega di e ‘best of 5’ ta sigi djarason na Buena Vista Ballpark, si Pichingolo gana e wega number 3 lo nan ta kampion di Sòftbol MCB CSB 2020.
NUMERITORNAN
Pichingolo a skor 6 kareda, bati 11 hit i hasi 4 eror. Arnalda Margarita a gana tirando wega kompletu. Julise Koffy a bati di 4-3.
Souax a skor na 5 okashon bati 4 hit i kometé 2 eror. J’Dah Girigorie tabata e picher pèrdèdó i Tyzony Raap a bati di 3-2
Djamars lo tin e di 2 wega di promoshon/degradashon entre Vipers i Dreamgirls 7or na Sabana Ballpark
