Pitufos a selebrá 40 aña di eksistensia

WILLEMSTAD- Djaluna 28 di febrüari Pitufos a selebrá 40 aña di eksistensia ku un resepshon den Riffort Village. Promé ku e resepshon tabatin un Santu Sakrifisio di Misa na Misa di Buena Vista. Durante e resepshon Edgar ‘Gachi’ Zimmerman, fundadó i presidente pa 40 aña di Pitufos, a dirigí palabra i repasá historia di Pitufos.

Eks Presidente Edgar ‘Gachi’ Zimmerman na palabra den kompanía di kasá i yu. Gachi Zimmerman ta fundadó i tabata presidente di 28 di febrüari 1982 te ku 28 febrüari 2022.

Gachi a trese basta momentu memorabel i chistoso dilanti pa esnan presente. Despues di su spich Gachi Zimmerman a anunsiá ku e próksimo presidente di Pitufos lo ta Raymond ‘Boy’ Constancia.  Gachi a pasa e bandera (batuta) pa Boy Constancia simbólikamente. Direktiva di Pitufos a entregá Gachi Zimmerman un plakat komo muestra di apresio pa e añanan na kabes komo presidente di e ekipo.

Boy Constancia, presidente nobo a dirigí palabra pa promé biaha komo presidente. Ela pone énfasis riba team work i pa papia konstantemente di ‘Nos’. Hungadó, dirigente i fanátikonan a selebrá te den oranan lat di anochi na Doo Shee Bar Restaurant.

Judi Zimmerman kasá di Gachi Zimmerman ta pasa e batuta pa presidente nobo Raymond Constancia.  
Rudsel Petronilia ta entregá plaka di mérito na fundadó Gachi Zimmerman den presensia di direktiva di Pitufos.
Hungadó i fanátikonan na resepshon di 40 aña Pitufos.
Edgar Zimmerman huntu ku famia Constancia i De Wind.
Dos gran fanátiko ku tei presente na tur wega i aktividat.
Gigi Hooi, Moia Hooi, Archie Davelaar i sra Coffie.
Fanátiko, hungadónan i nan famia.
Ambiente aya den Riffort Village.
King, Constancia i Lourens.
Famia Christina durante e resepshon.

‍

‍

‍