Pitufos ta gana protesta den Sòftbòl Liga 50
WILLEMSTAD- Pitufos a gana e protesta ku nan a hasi kontra Flamboyan/Tigers dia 14 di ougùstùs. Flamboyan a gana e wega ku skor di 11 pa 5, pero Pitufos a protestá i e wega mester bai bèk kaminda Pitufos tabata ganá 5-3 ku hungadó na tersera. Den e último inning ei, den e inning kaminda e protesta a kai, Tigers a nota 8 kareda pa bòltu e skor di 5 pa 3 i wega a terminá 11-5.
E protesta tabata kaminda un koredó a bai tersera riba wild pitch i e kècher a tira malu na tersera i e koredó menshoná a nota riba e mal tiru pa tersera. Segun manager Archie Davelaar niun koredó no por nota den Liga 50 for di tersera riba wild pitch ni eror. Koredó na tersera por nota solamente riba bastaso konforme artikulo. Den bòm di e di 4 inning Vernon De Lanooi di Tigers ta dal doblete i move riba wild pitch pa tersera. Djarason 25 di ougùstus a atendé e protesta i Archie Davelaar a presentá ku relga 2016 i 2017 i gana fásil. E wega ta kontinuá den di 4 inning ku Vernon de Lanooi na tersera.
Nos a wak e wega ei i mira Tigers nota e 9 karedanan despues ku Vernon a habri e inning ku doblete. Regla 11 ta bisa riba un pased ball òf wild pitch, un koredó por avansá te tersera base riba su mes. Regla 12 ta skibi ku bou di ningún sirkunstansia un koredó na 3ra base no por avansá pa home sino ta pa bataso òf base por bola ku base yen. Ku otro palabra e wega ta bai bèk ku Pitufos ganá 5-3 i Vernon de Lanooi na tersera sin out.
Liga Pabou ta gana Liga Pariba den Wega di Strea 60+
WILLEMSTAD- Djadumingu último Liga 60 di Sòftbòl tabatin su Homerun Derby i tambe su Wega di Strea. Tabata e slengu James Jackson di Sluggers ku a gana e kompetensia aki. Pa loke ta Wega di Strea, e ekipo Pabou a sabi di gana e streanan di Pariba 6-2. E picher ganadó a resultá Elvis Jacobus di Lions, miéntras ku Ramon Moreta tambe di Lions a bai di 3-2 ku dos empuhá. Ela sali tambe e hungadó Mas Balioso. Pa Pariba a pèrdè Riley Toppenberg di Jaws i na bate Richinel Boeldak di 3-2. Esun Mas Balioso di Pariba a resultá e picher Provence. E kampionato ta sigui den e di dos buelta djadumingu awor ku tres wega na Frank Curiel Baĺlpark for di 11’or di mainta.
