Play-off Beisbòl Little League di spònser pa RBC Royal Bank a start djaweps 8 di yüli den Tio Daou Ballpark
WILLEMSTAD- RBC Play-off di Beisbòl Little League 2021 a start djaweps den Tio Daou Ballpark. Selekshonnan di Little League di Liga Pabou, Pariba i Willemstad lo kompetí den e dianan benidero pa saka representantenan ku lo hunga kampionatonan di Karibe i Latino America. E kampionatonan regional menshoná lo tuma lugá na Kòrsou i Aruba pa fin di luna di yüli 2021. Djaweps 8 di yüli lo start den e kategoria Junior na Tio Daou Ballpark i djabièrnè 8 di yüli lo tin e promé partido den e kategoria Senior League.
Djabièrnè 9 di yüli lo tin apertura ofishal pa 6’or kaminda representante di spònser di play-off RBC Royal Bank lo dirigí palabra. Tambe lo dirigi palabra District Administator sr. Urny Floran. Despues di apertura ofishal lo tin wega entre Liga Pariba i Liga Willemstad den kategoria Senior. Play-off di Minor I Little lo start djaluna 12 di yuli den Staidon Post 6. Weganan di kategoria Intermediate ta start djasabra 17 di yüli den Sabana Ballpark.
