Play-off Intermediate empatá na 1 entre Pabou i Pariba na Didi Deeds Field
WILLEMSTAD- Pabou a gana djaweps, 14 di mart ku skor di 7-1, Pariba a laga Pabou den tereno ku skor di 8-7 djabièrnè, 15 di mart den play-off Intermediate ku ta tumando lugá na Didi Deeds Field na Terra Corra. E seri mihó di 5 ta empatá na 1. Djasabra 7’or pm lo tin wega number 3 di e seri. Djadumingu tin wega number 11’or am tin wega number 4 i si ta nesesario e wega finalisimo djadumingu 2.30 pm.
APERTURA
Djaweps, 14 di mart tabatin apertura di play-off Intermediate League na Didi Deeds Park. Despues ku MC a yama ekiponan Pabou i Pariba Intermediate pa alineá riba tereno, tabatin interpretashon di Himno di Kòrsou dor di Nedion Sluis. A sigi palabra di Sharier Dorand di RBC Royal Bank i District Administrator Urny Floran. Lansamentu promé bala tabata na enkargo di Sharier Dorand di RBC. Despues a sigi e promé wega entre Pabou i Pariba.
NUMERITONAN
Wega 1
Pabou 7, Pariba 1
Pabou a dal 14 hit i hasi 3 eror. Helmir Helmijr a gana i Yeadon Martie-Lourens a bati di 3-3.
Pariba a dal 4 hit i hasi 2 eror. Raygentely Rifaela tabata e picher pèrdèdó. Richairo Martina a bati di 1-1.
Wega 2.
Pariba 8, Pabou 7
Pariba a dal 7 hit i hasi 7 eror. Jur- Neriel Eugenia tabata e picher ganadó i a bati di 2-1. Eugenia tabata klave ku un grandslam ku a trese e ekipo di Pariba bèk den wega. Quasin Rojer, Keveon Rojer i Jaydon Candelaria a bati di 3-2.
Pabou a bati 5 hit i kometé 1 eror. Jay-Dlyn Wiel tabata e picher perdedó den relevo. D’Shawn Winklaar a bati di 3-2.
%20copy.jpg)
