Play-off Liga 60 djadumingu awor na Frank Curiel Ballpark Santa Rosa vs Isla Crackers djasabra 1.30 na Vi Jansen Ballpark

Play-off Liga 60 djadumingu awor na Frank Curiel Ballpark Santa Rosa vs Isla Crackers djasabra 1.30 na Vi Jansen Ballpark

WILLEMSTAD – Temporada regular Liga  60 a yega na su fin djadumingu último na Frank Curiel Ballpark.  Pitufos a gana Lions ku skor di 7 pa 5 i pasa ofishalmente pa di 2 lugá. Den e otro wega Sluggers a gana Curacao Super Stars 4 pa 1. Curacao Super Stars no a logra viktoria den 2023 den Liga 60. E skema ofishal pa loke ta play-off page system djadumingu awor. Nos Power kontra di Jaws pa 12’or i Nos Tambe Por kontra di Pitufos pa 2’or.  Nos tin numeritonan di e dos último weganan di buelta regular i standing final.

RESULTADONAN:
Djadumingu 19 di novèmber
Pitufos 7, Lions 5
Pitufos tabatin 13 hit ku 1 eror. Raymond Faries a gana i Cedric Curiel a bai di 2-1. Richinel Juliana ku Rubio Kook a bai di 2-2. Felip Osepa i Elston Constancia a bai di 3-2 i Amarildo Coffie di 3-3.  Pa Lions 10 hit sin eror. Elvis Jacobus a pèrdè. Rudsel Rijna ku Manuel Valdez a bai di 1-1. Sherwin Floranus, Gensley Balborda i Danchelo Moesker, tur a bai di 2-1. Herbert Lucas a bai di 2-2 i Lyndon Lourens di 3-2.

Sluggers 4, Curacao Super Stars 1
Sluggers a dal 10 hit i kometé 3 eror. Eldred Bakker tabata ganadó i Benigno Emperator ku Sherman Lourens, ámbos a bai di 1-1. Irwin Leito a bai di 2-1, Eldred Bakker di 2-2 i Raymond Lieuw a bai di 3-3.
Curacao Super Stars tabatin 4 hit ku 1 eror. Arsenio Servanie a resultá pèrdèdó i e mes a bai di 2-1. Ellis Brunken tambe a bai di 2-1.  

‍

MAS DETAYE

Lo hunga sistema page i e play-off lo ta solamente un wega. Final lo hunga mihó di 3 i tin basta detaye pa tene kuenta kuné, debí ku nos ta drentando desèmber. Si un òf mas wega keda suspendé pa motibu di awaseru, lo terminá e kampionato na yanüari 2024.  Djadumingu 3 di desèmber lo hunga e pèrdèdó di 1 vs 2 kontra e ganadó di 3 vs 4.  Si tur wega sigi sin keda suspendé lo start ku final djadumingu 10 di desèmber. Dia 17 di desèmber lo ta fecha number 2 di play-off final. Wega number 2 di e final lo start 12’or, den kaso di empate di e seri lo hunga wega finalísimo wega number 3 pa 2’or. Ku otro palabra, ku e seri empatá lo hunga ‘double header’.  Despues di final lo tin entrega di premio tambe. Tin premio pa kampion picher, kampion bate, lider di homerun i MVP play-off final.

‍

‍

‍

STANDING:
Standing final ofishal ta: Nos Tambe Por 13-1, Pitufos 10-4, Jaws 9-5, Nos Power 7-7, Lions 6-8, Mon Repos Sluggers 6-8, Los Amigos 5-9 i Curacao Super Stars 0-14.

‍

‍

‍

Santa Rosa kontra Isla Crackers den wega desisivo djasabra 1.30 pm na Vi Jansen Ballpark

WILLEMSTAD- Santa Rosa Memories lo topa ku Isla Crackers djasabra 1.30 pm na Vi Jansen Ballpark den wega number 3 di play-off semi-final. Ganadó di e wega aki lo topa ku Quality Stars djasabra 2 di desèmber. E seri final lo ta mihó di 3. Santa Rosa a gana wega number 1 ku skor di 4-1 djasabra último i djadumingu ekipo Isla Crakcers a gana Santa Rosa 16-8.  Santa Rosa lo manda nan estelarísimo Ramses Jamanika, miéntras Isla Crackers lo tin Roderick Eustatius atrobe riba montikulo. E dos pichernan aki a habri wega number 1 di e seri. Djadumingu tin play-off di Liga 50 entre e 4 ekiponan. Pa 10.30 Sigi Hunga (2) lo topa ku Yesterday (3) i depsues pa 1.30 pm Jandoret (1) lo hunga kontra Otrabanda.  Pa otro wikènt tin final di tantu Liga 40 komo Liga 50.

MAS INFORMASHON DI SÒFTBÒL I BEISBÒL

Fanátikonan di Deporte Kòrsou , bon dia. Nos tei ku skema i mas informashon di play-off di Beisbòl Veterano i Liga 60 di Sòftbòl. Beisbòl Veterano lo tin play-off semi-final di 40+ entre Santa Rosa Memories i Isla Crackers. Den Beisbòl 50+ lo tin play-off semi-final entre ekiponan Jandoret Raiders, Sigi Hunga, Yesterday i Otrabanda. Pa loke ta trata Sòftbòl 60+, play-off semi-final ta start djadumingu awor ku dos wega. Pa 12’or ta nos Power kontra Jaws i despues 2’or ta Nos Tambe Por kontra di Pitufos.

* * * * *

Ban pa Beisbòl Veterano. E skema ta lo sigiente. Djasabra 25 di novèmber Isla Cracker ta topa ku Santa Rosa Memories den wega desisivo di semi-final. Ganadó di e wega aki lo pasa pa final kontra di Quality Stars. Final lo start e sigiente siman, esta djasabra 2 di desèmber pa 1.30 pm na Vi Jansen Ballpark naturalmente. Play-off semi-final di Liga 50 Beisbòl ta djadumingu 26 di novèmber. 10’or ta Sigi Hunga kontra di Yesterday i pa 1.30 Jandoret kontra di Otrabanda.  Final di Liga 50 lo tuma lugá djadumingu 3 di desèmber entre e ganadónan di djadumingu 26 di novèmber. Djasabra 2 di desèmber pa 1.30’or tin wega number 1 di e seri final 40+ i djadumingu 3 di desèmber tin wega number 2. Si bin empate e gran final lo ta djadumingu 9 di desèmber.

* * * * *

Beisbòl Veterano i Slowpitch ta yegando na fin pa loke ta trata temporada 2023. Den Liga van Engelen, Liga Amstel, Liga 50, Liga di Nos Tur i The Diamond Stars League nos a konosé kampionnan nobo.  Un aña realmente straño ku hopi kampion nobo loke sigur ta na bienestar di liganan, na momentu ku tin kampion nobo. Baranka a logra ripití den Liga 40 i nan tin hopi aña mes komo kampion di Liga 40. Ta Happy Stars tabata duna bataya formal na Baranka den añanan 2009, 2011,2013 ets bin ariba. Baranka a bira kampion pa promé biaha den Liga 40 na aña 2007 i despues 2008.  Happy Stars a kita e título varios biaha i despues Crazy Tigers ku a gana e titulo un biaha na 2019 i Swift na 2021. Den pasado Swift a yega di gana titulo di Liga 40 den añanan 80 i 90.

* * * * *

Sifranan final di Liga 60 a bira konosí. Winston ‘Killer Kiri’ Kirindongo a sali kampion bate i lider den bateo. Winston Kirindongo a bati pa .548 ku ta 17 hit den 31 turno i tabatin 7 homerun den 14 wega.  Kampion picher a resultá Siegfried Lopez ku rèkòrt di 6 ganá i 0 pèrdí. Tantu Siegfried Lopez komo Winston Kirindongo ta di e ekipo Nos Tambe Por.  Standing final ofishal ta Nos Tambe Por 13-1, Pitufos 10-4, Jaws 9-5, Nos Power 7-7, Lions 6-8, Mon Repos Sluggers 6-8, Los Amigos 5-9 i Curacao Super Stars 0-14. Play-off lo bira realmente kandela djadumingu awor den Frank Curiel Ballpark.

‍

* * * * *

Sòftbòl Komersial i Soshal a krese masha hopi último temporadanan. Despues di Torneo Hope ku ta terminá den luna di mei ta sigi varios torneo, entre otro Torneo Omni. Liganan di e hóbennan, entre otro Liga Amstel i Liga van Engelen a kai bastante. Tur dos liga a haña un ‘boost’ pa loke ta trata fanátikonan di Liga 50 ku tabata na Van Engelen Ballpark pa wak final di tantu Liga Amstel komo Liga van Engelen. Na komienso di 2024 ta torneonan lo bai komandá atrobe i hala hopi fanatiko.

* * * * *

Ekipo Royal Scorpions a bira kampion di e Caribbean Invitational Baseball Tournament. Royal Scorpions tabata hungando fásil den e torneo, pero a hañanan un tiki den pèrtá den e final, kaminda nan a gana 7-6 i a gana hopi premio individual. E refuerso Swindley Lint a bira MVP di e torneo. Raywendley van Gurp a sali e mihó batiado di e torneo.  Stephan Vidal tabatin un grandslam pa right center ku tabata e di 4 kareda krusial pa Royal Scorpions gana.  Manager Raymond ‘Mompi’ van Gurp tabata un tiki rabiá den su entrevista ku Glenn Thomas na final di e torneo. Parse ku fileadónan a bai hasi dushi i wega a bira pèrtá i fèrfelu den e parti final. En todo kaso Royal Scorpions kampion atrobe i nan ta terminá un aña den gran forma ku título na Sint Maarten aki. Nos ta keda te aki pa awe i te djabièrnè ku Poder di Dios.

‍