Play-off Liga di Nos Tur dedika na dos baluarte a sigi den wikènt na Frank Curiel Ballpark
WILLEMSTAD- Play-off Liga di Nos Tur a sigi djabièrnè i djasabra na Frank Curiel Ballpark. Ekiponan Sin Strès, Shining Stars, Un Kara i Chilling a klasifiká pa play-off. Siman pasá Sin Strès a gana Shining stars den e promé wega den e play-off page system entre number 1 i 2. Den e otro wega e ekipo Chilling a gana Un Kara. Djabièrnè 25 i djasabra 26 di ougùstùs kosnan a bòltu formal i ekiponan a gana e weganan siman pasá a perde dso wega sigi riba e dianan 25 i 26 menshoná. Ekipo Un Kara super kampion di Liga di Nos Tur lo bai topa ku Sin stress. Shining Stars a bai final i Un Kara lo topa ku Sin Stres djabièrnè i djasabra awor pa 8.30.
Cicoza a gana Twister den Liga 40
WILLEMSTAD- Cicoza a gana Twister ku skor di 7 pa 6 den Liga 40 na Van Engelen Ballpark. E wega a tuma lugá djaweps 24 di ougùstùs. Liga 40 a start djaweps 10 di ougùstùs na Van Engelen Ballpark. 6 ekipo lo kompetí pa e premio máksimo. Baranka super kampion di Liga 40 ta na promé lugá ku rèkòrt di 3-0 a ganá di ekipo Gamers ku skor di 9-3. Nos tin resultado di tur e weganan di Liga 40. Baranka 15 - Jaws 3, Swift 11 - Cicoza 6, Gamers 18 - Jaws 4, Baranka 6, Cizoza 3.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis wikènt. Beisbòl Dòbel A a start ku un tremendo partido entre Santa Rosa Indians i Santa Maria Pirates, kaminda Santa Rosa ku a terminá number 1 di temporada regular a gana e number 4 ku ta Santa Maria ku skor di 2-1. Un tremendo partido ku tabatin solamente 1 eror di parti di Santa Rosa Indians. Johan Rifaela di Santa Maria ku a bini for di Hulanda, a wanta 4.2 inning bon tumando 2 kareda i 6 hit. Djenior Mogen i Cedeon Lannguth di Santa Maria no ta tuma kareda. Djenior Mogen ta tira muchu mas tantu rekta ku kurva. Sin miedo e ta manda e rekta den zona di straik, pero apesar di esei ela tira 4 base por bola den 2.1 inning. Cedeon Langguth ku ta ruman Hainley Statia tambe a tira bon. Langguth ta picher slengu ku tabata den Firebirds den 2022.
* * * * *
Jordan Lucas di Santa Rosa Indians ta keda un gran picher den Beisbòl Dòbel A. Ela tira 6 inning kompletu, tuma 7 hit i solamente un kareda. Hershelon Juliana tambe di Santa Rosa a tira 3 inning i tuma solamente 1 hit i sin kareda. Jordan Lucas lo por bin tira bèk otro siman ku 4 dia di sosiegu. Un gran picher ku ta train hopi serio. E aña aki Santa Rosa ta bou di direkshon di Nelo Juliana, miéntras Santa Maria tin Vernon Isabella komo manager. Ta for di 2019 Vernon Isabella ta manager di Santa Maria Pirates.
%20copy.jpg)
* * * * *
Finalmente Risandro Pastor di Wild Cats a terminá lider di bateo ku un average altísimo i nunka bisto di .574. Pastor ta lider den On Base Percentage & Slugging (1.511), Slugging (.852) tambe. Kandidato fuerte pa MVP di kampionato regular. Rayscheandall Michel (Wild Cats) a terminá komo lider den RBI ku 26 kareda empuhá. Den picheo ta Lousandry Henriette ku tin 3.25 di ERA. Jeandrick Lourens di Royal Scorpions a sali lider den ponche tirá ku 52. Jonatan Martijn a sali lider di homerun ku 6 bataso di kuater skina.
* * * * *
Serinan di semi-final ta difísil pa pronostiká, apesar ku ta parse ku ekiponan number 1 I 2 lo klasifiká pa final di Beisbòl Dòbel A. Breaking News, Santa Rosa a gana Santa Maria pa di dos biaha i falta un viktoria mas pa bai final. Wild Cats ta kampion e último dos añanan. Na 2021 Wild Cats a gana Royal Scorpions pa bira kampion. E último wega di e seri a terminá kayente 4-3. Bon públiko mes na Tio Daou Ballpark pa mira wega number 5 di e final di Beisbòl Dòbel A. Nos ta kòrda ku Wild Cats a gana e seri final 4-1, despues di a gana e promé tres weganan, pèrdè wega number 4 i gana wega number 5 pèrtá. Na 2022 Wild Cats a gana Santa Maria den final 3-2. Santa Maria a gana wega number 1 fásil 8-4 pa despues pèrdè 4 wega sigí.
* * * * *
Ban pa Slowpitch. Liga 50 a sigi ayera na Van Engelen Ballpark, Lions 4 – Jaws 18. Baranka 24- Catpower 2, Sluggers 0 - Ban Serio 7, Flamboyan 9 – Marlins 13. Kampionato regular lo terminá dia 30 di sèptèmber. Den Beisbòl Veterano djasabra 26 di ougùstùs Santa Maria 19– Yesterday 4, Quality Stars 15, – The Brothers 4, 15.30 Vosama 14 – Otrabanda 0. Djadumingu 27 di ougùstùs 10.30 Marlins – Santa Rosa, 13.00 Jandoret – Isla Crackers, 15.30 Azucar – Marchena Stars. Nos ta keda te aki.
