Play-off semi-final di Beisbòl Veterano e wikènt aki
WILLEMSTAD- Ekiponan Quality Stars (4-1), Jandoret Raiders (3-2), Isla (2-3) i Bulldogs (2-3) a klasifiká pa semi-final di Beisbòl Veterano i lo hunga e wikènt aki riba djasabra i djadumingu na Vi Jansen Ballpark. Djasabra siman pasá weganan a tuma lugá na Tio Daou Ballpark i djadumingu debí na palu di awaseru weganan a bai Vi Jansen Ballpark ku ta wanta bastante awa. Quality Stars a gana dos wega den wikènt i terminá number 1. Jandoret Raiders ku ya tabata den klasifikashon (3-1) promé ku wikènt a pèrdè kontra di Santa Maria i pone su rekòrt na 3-2. Isla a pèrdè djasabra kontra Quality Stars i a gana Santa Rosa djadumingu na Vi Jansen Ballpark. Bulldogs a gana Santa Rosa djasabra i pone su rekòrt na 2-3. Ekiponan Santa Maria a keda afó, debí ku nan a pèrdè kontra Quality den wega krusial pa nan djadumingu. Santa Rosa a pèrdè djasabra kontra Bulldogs i pèrdè djadumingu kontra Isla. Nèt e dos ekiponan ku a klasifiká finalmente riba e ekipo Santa Rosa.
RESULTADONAN
Djasabra 7 di novèmber,
Tio Daou Ballpark
Santa Maria 7, Jandoret 6;
Bulldogs 6, Santa Rosa 5;
Quality Stars 9, Isla Crackers 5.
Djadumingu 8 di novèmber
Quality Stars 8, Santa Maria 5;
Isla Crackers 9, Santa Rosa 7.
Skèdjel di play-off semi-final di beisbol Veterano ku lo tuma luga na Vi Jansen Ballpark djasabra i djadumingu awor. Djasabra 14 di novèmber a 09.00 lo ta Marchena Stars vs Vosama . 11.00 Quality Stars – Bulldogs, 14.00 Jandoret Raiders – Isla Crackers. Djadumingu 15 di novèmber 09.00 Vosama vs Marchena 11.00 Isla – Jandoret, 14.00 Bulldogs – Quality Stars.
