Quality a dal Bulldogs
Santa Rosa ta gana Jandoret i Santa Maria ta derotá Isla den Beisbòl Veterano
WILLEMSTAD- Round Robbin di Beisbòl Veterano a sigi wikènt pasá ku 3 wega na Vi Jansen Ballpark. Djadumingu awor weganan lo sigi na Tio Daou Ballpark i keda na Tio Daou Ballpark te final. Parse ku ekiponan por bini ku máksimo 20 persona. Djadumingu último den e promé partido Santa Maria a gana Isla ku skor di 9-8. Isla tabata ganá 8-4 te den último inning, pero Santa Maria ta bòltu skor. Quality a dal Bulldogs 9 pa 3. Santa Rosa a derotá Jandoret 8 pa 2 den e último wega di djadumingu. Despues di 3 wega rekòrt di e ekiponan ta lo sigiente. Santa Rosa, Jandoret i Quality tin 2-1. Santa Maria, Bulldogs i Isla tin rekòrt di 1-2.
Weganan di djadumingu awor ta 10.30 Jandoret – Bulldogs, 13.00 Santa Maria – Quality i 15.30 Isla Crackers vs Santa Rosa.
RESULTADONAN
Djadumingu 25 di òktober
Sta Maria Pirates 9, Isla Crackers 8
Sta Maria tabatin 8 hit i nan a kometé 3 eror. Johannes Gregorius a gana i Irving Sambo a bai di 3-3. Isla a dal 11 hit i hasi 5 eror. Roderick Eustatius a pèrdè. Quincy Kook a bai di 3-3.
Quality Stars 9, Bulldogs 3
Quality tabatin 9 hit ku 1 eror. Raidell Isabella tabata ganadó. Randell de Lanooi a bai di 1-1. Pa Bulldogs 4 hit ku 2 eror. Emilio Lugo Velardi a resultá pèrdèdó. Djuric Pietersz a bai di 1-1.
Sta Rosa Memories 8, Jandoret Raiders 3
Sta Rosa a dal 10 hit i nan a kometé 2 eror. Raymond Martis a bai ku e viktoria. Raimy Cicilia a bai di 2-2. Jandoret tabatin 4 hit ku 3 eror. Orcendo Clemencia a karga ku e derota. Earl Virginia a bai di 1-1.
Djasabra 24 di òktober (buelta pèrdèdó)
Marchena Stars 8, Azucar 6
Marchena Stars tabatin 8 hit i nan a kometé 2 eror.Jair Josepha a gana i e mes a bai di 2-2.
Pa Azucar 6 hit ku 1 eror. Royston Privania a pèrdè. Cedric Curiel a bai di 2-2.
Vosama 7, The Brothers 4
Vosama a dal 8 hit i nan a kometé 5 eror. Felix Ibañez tabata ganadó. Luis Offredy a bai di 2-2. The Brothers tabatin 3 hit ku 4 eror. Signald Burnet a resultá pèrdèdó. Signald Burnet ku Reynaldo Elcock a bai di 2-1.
