Beisbòl Veterano - Quality Jandoret i Bulldogs ta gana den e promé wikènt di Round Robbin

Quality Jandoret i Bulldogs ta gana den e promé wikènt di Round Robbin

WILLEMSTAD - Djasabra i djadumingu tabatin e promé weganan di Round Robbin di Beisbòl Veterano ku a tuma lugá na Vi Jansen Ballpark. Djadumingu Quality Stars a derotá Santa Rosa Memories ku skor di 8 pa 1, Jandoret Raiders a gana Isla Crackers 5 pa 2 i Bulldogs a gana Santa Maria Pirates pèrtá 8 pa 7.

Djasabra 10 di òktober
Marchena Stars 11, Marlins 1
Marchena a dal 15 hit i nan a kometé 1 error. Jair Josepha a gana i Ruthgard Lunkers a bai di 3-3. Pa Marlins 5 hit ku 2 eror. Shannon Kleinmoedig a pèrdè. Ramon Cabrera a bai di 1-1.

The Brothers 3, Yesterday 2
The Brothers tabatin 8 hit i nan a hunga sin eror. Richel Angela tabata ganadó. Richel Angela a bai di 2-2. Yesterday a dal 5 hit i hasi 3 eror. Pernell Sprott a resultá pèrdèdó. Remy St. Jago a bai di 1-1.

Vosama 7, Azucar 5
Vosama a bati 6 hit i nan a kometé 1 eror. Xavier Avastia a bai ku e viktoria. Stanley Palm a bai di 2-2. Pa Azucar 3 hit ku 6 eror. Franklin Leuteria a karga ku e derota. Thierry Goeloe, Manuel Rekondie ku Jenniver Mook, tur a bai di 2-1.

Djadumingu 11 di òktober
Quality Stars 8, Sta Rosa Memories 1
Quality Stars tabatin 7 hit i nan a hunga sin eror. Hayzem Martina a gana. Merieldo Trinidad a bai di 2-2. Pa Sta Rosa 8 hit ku 4 eror. Edmond Martina a pèrdè. Reginald Pieters a bai di 2-2.

Emile Haswell jr atkisishon nobo di Quality Stars den Beisbòl 40+

Jandoret Raiders 5, Isla Crackers 2
Jandoret a dal 7 hit i nan a kometé 2 eror. Orcendo Clemencia tabata picher ganadó. Renato Anasagasti a bai di 1-1. Isla tabatin 7 hit ku 1 eror. Quincy Kook a resultá pèrdèdó. Quincy Kook a bai di 3-2.

Orsendo Clemencia picher ganadó pa Jandoret Raiders vs Isla

Bulldogs 8, Sta Maria Pirates 7
Bulldogs tabatin 7 hit ku 2 eror. Lester Victoria a bai ku e viktoria. Kevin Winklaar a bai di 2-2. Pa Sta Maria 4 hit ku 2 eror. Amador Nita a karga ku e derota. Ramiro Balentina a bai di 2-2.

Bulldogs den dugout durante wega. Bulldogs a sali riba bon pia i a gana di Santa Maria.

LIGA 50
Sigi Hunga 15, Yesterday 4
Sigi Hunga a dal 14 hit i nan a kometé 3 eror. Gregory Mathilda a gana. Jurgen Susanna ku Gerald Zimmerman, tur a bai di 3-3. Pa Yesterday 2 hit ku 3 eror. Erwin Curial a pèrdè. Fardy Lard ku Cedric Curiel, ámbos a bai di 2-1.