Beisbol Veterano ta sigi djasabra i djadumingu na Vi Jansen Ballpark
Quality Stars a gana Isla Crackers 2 pa 1 den Beisbòl Veterano
WILEMSTAD- Quality Stars ku ta na kabes den Beisbòl Veterano a derotá Isla Crackers ku skor di 2 pa 1 djasabra último den Beisbòl Veterano. Quality Stars a kombiná 3 picher pa bai ku e viktoria. Den otro wega kayente Santa Maria a dal Santa Rosa Memories 10 pa 7 dilanti un bon públiko djadumingu atardi.
Jandoret a blackout Otrabanda 18-0, The Brothers a blackout Yesterday 19-4 i Vosama a blackout Marlins 17-0. Un wikènt kargá ku blackout. Den kolumna nos tin e standing di Beisbòl Veterano.
LIGA 40+
Djasabra 10 di sèptèmber
The Brothers 19, Yesterday 4
The Brothers tabatin 19 hit i 0 eror. Picher ganadó tabata Aishel Hooi. Reginald Pietersz i Jairo Burnet ámbos a bai di 4-4 i Gian-carlo Martina di 2-2. Yesterday a dal 5 hit i hasi 2 eror. Pèrdèdó a resultá Carl Jurrjens. Zhurendel Ilaria di 1-1 i Charles van Thijs di 3-2.
Vosama 17, Marlins 0
Vosama a dal 13 hit i kometé 1 eror. Xaviero Avastia a gana. Sigbert Juliana di 1-1. Cedrix Valies, Luis Offredy, Alberto Ramirez i Xaviero Avastia tur a bai di 3-2. Marlins tabatin 2 hit ku 4 eror. Orlando Gerard a pèrdè. Cedric Gill a bai di 1-1.
Quality Stars 2, Isla Crackers 1
Quality a dal 4 hit i kometé 1 eror. Picher ganadó tabata Dayron Puriel. Raydel Isabella a bai di 1-1.
Isla a konetá 1 hit i hunga sin eror. Pèrdèdó a resultá Rainir Martis. Kevin Boekhoudt a bai di 2-1.
Djadumingu 11 sèptèmber
Jandoret Raiders 18, Veteranos Otrobanda 0
Jandoret tabatin 17 hit i 2 eror. Clifton Yziek a gana. Rigobert Cijntje, Myron Wijman ku Carlton Daal, tur a bai di 2-2. Otrobanda a dal 2 hit i hasi 1 eror. Gilbert Bernadina a pèrdè. Philogene Strick i Rayden Stuart a bai di 1-1.
Sta Maria Pirates 10, Sta Rosa Memories 7
Sta Maria a konektá 9 hit i hunga sin eror. David Kirindongo a bai ku e viktoria. Eldred Estanista a bai di 2-2 i Amador Nita di 1-1. Rayon Samuel i David Kirindongo, ámbos di 3-2. Sta Rosa a bati 8 hit i hasi 4 eror. Cedric Antonia a karga ku e derota. Shendy Cras i Djuric Pietersz, ámbos di 2-2 i Jair Quant di 1-1.
Fanátikonan di Deporte Kòrsou, bontardi. Nos tei den siman kargá ku informashon di Beisbòl i di Sòftbòl. Den Beisbòl Dòbel A ekipo Santa Rosa Indians a kita dos wega sigí for di Wild Cats. Santa Rosa a gana Wild Cats 13 pa 9 djadumingu i despues 7 pa 6 djaluna. Santa Rosa ta mustra fuerte i ta sólido na di 3 lugá. Santa Rosa a gana tur e ekiponan grandi, esta Wild Cats, Royal Scorpions i Santa Maria maske ta un biaha durante e kampionato aki. Standing te ku weganan di djaluna ta Royal Scorpions 13-4, Wild Cats 13-6, Santa Rosa 13-7, Groot Kwartier 7-11, Firebirds 2-12 i Marchena 2-13.
* * * * *
Jamdrick Cornelia, picher slengu yu di Edmar Cornelia, a tira dos wega bon pa Wild Cats i kontra ekiponan fuerte. Djaluna 12 di sèptèmber Jamdrick Cornelia a tira 3 inning bon di relevo kontra di Santa Rosa tumando solamente 2 hit i sin tuma kareda. Djarason 7 di sèptèmber kontra Santa Maria Pirates Jamdrick a tira 1 inning i tuma un kareda. E picher ku a kaba di subi for di Beisbòl Hubenil tin un ERA di 2.25 den wega fuerte i bon bringá den un siman. Wild Cats a machiká kontra ekiponan Groot Kwartier i Marchena, gana dos wega kontra Santa Maria i pèrdè dos sigٌí kontra di Santa Rosa.
* * * * *
Te djaluna ta Swindley Lint di Santa Rosa ta ketu bai lider den bateo ku un average di .455, sigí pa Rayshendall Michel di Wild Cats ku tin .434. Rayshendall Michel ta lider den RBi ku 34, leu riba Levi Carolus ku tin 22. Rayshendall tin 19 kareda empuhá den e último 7 weganan ku ta un kos hopi serio. Rayshendall a empuhá 7 kareda, bayendo di 5-5 siman pasá dia 7 di sèptèmber kontra di Santa Maria Pirates. Temesh Lourens di Royal Scorpions ta lider den ERA ku 2.37. Jordan Lucas, estelar di Santa Rosa Indians tin un ERA di 2.72. Alexander Rodriguez ku tabatin un ERA di 0.00 a bai 1.72 debí ku ela tuma 3 kareda limpi kontra Santa Maria Pirates den un inning dia 6 di sèptèmber. E lo mester ta lider ainda, pero no tin e inningnan pichá segun Game Changer.
* * * * *
Notisianan ta kayente den Beisbòl Dòbel A. Djamars den oranan di dia notisia a kuminsá drenta ku Santa Maria a buska e picher derecho Jair Jurrjens. Jair Jurrjens a picha na Meksiko den 2022. Juremi Profar, infielder ku tambe a hunga na Meksiko i destaká formal pa Hulanda durante Haarlemse Honkballweek. Santa Maria ta a la karga i nan a buska Scott Prins i Koen Postelmans di ekipo Twins Oosterhout. Koen a gana 6 i pèrdè 5 ku un ERA di 3.56. Scott Prins a picha ku Amsterdam i a gana 5 wega i pèrdè 2 ku un tremedno ERA di 0.96 i a hunga den Haarlemse Honkballweek i einan si e picheo no a bai masha bon. En todo kaso Santa Maria a la karga i djaluna nos a skibi ku Santa Maria ta manera ketu den e moveshon-nan, lugá ta kandela tin pendiente.
* * * * *
Ban pa Beisbòl Veterano i awe nos tin resultadonan. Quality Stars ta keda na promé lugá ku rekòrt di 16-2, sigí pa Santa Maria Pirates 15-3, Isla Crackers 14-4, Jandoret 12-6, The Brothers 11-7, Santa Rosa Memories 10-8, Vosama 10-8, Azucar 7-10, Marchena Stars 5-12, Marlins 3-15, Yesterday 3-15 i Veteranos 1-17. Wikènt awor ta Quality Stars vs Santa Rosa djadumingu 1’or i despues ta Jandoret kontra di Vosama. Nos ta keda te aki pa awe.
