Quality Stars i Santa Maria lo topa djadumingu 1’or den Beisbòl Veterano
WILLEMSTAD- Djadumingu awor pa 1’or ekiponan Quality Stars i Santa Maria Pirates lo enfrentá otro den Beisbòl Veterano. E dos ekiponan menshoná ta invikto despues di dos wega di e kampionato aktual. Djadumingu awor un invikto lo kai. Wikènt pasá Quality a gana Otrabanda 9 pa 3 i Santa Maria a derotá Vosama 14 pa 4. Otro resultadonan: Jandoret Raiders a dal Yesterday 23 pa 2, Santa Rosa a derotá Azucar 7 pa 1, The Brothers a gana Marlins 8 pa 7 i Isla Crackers a laga Marchena den tereno ganando 4 pa 3 ku 4 kareda den nan último chèns na bate.
Quality Stars 9, Veteranos Otrabanda 3
Qualiy Stars a dal 11 hit i hunga sin eror. Fernando Sanchez tabata e picher ganadó. Merieldo Trinidad, Leroy Antonia, Vernon de Lanooi i Fernando Sanchez a bati di 3-2. Merieldo Trinidad i Rodney Michel a dal un homerun. Veteranos Otrabanda a dal 5 hit i kometé 1 eror. Gregory Mathilda tabata e picher pèrdèdó. Bertyson Ignacia a bati di 3-3.
Jandoret Raiders 23, Yesterday 2
Jandoret a dal 21 hit i kometé 1 eror. Earl Virginia tabata e picher ganadó. Rayshal Francisca a bati di 4-4 den su debút den Beisbòl Veterano. Myron Wijman i Chervin Maduro a bati di 4-3. Yesterday a konektá 3 hit i hasi 4 eror. Carl Jurrjens tabata e picher pèrdèdó. Robert Salas a bati di 1-1 ku un homerun.
Santa Rosa Memories 7, Azucar 1
Santa Rosa Memories a dal 9 hit i hasi 2 eror. Raymy Cicilia tabata e picher ganadó. Reginald Pietersz a bati di 3-3. Azucar a konektá 4 hit i kometé 1 eror. Royston Privania a resultá e picher pèrdèdó. Thurney Cafsia, Jenever Mook i Reinaldo Elcock a bati di 2-1.
The Brothers 8 , Marlins 7
The Brothers a konektá 6 hit i kometé 4 eror. Wendell van het Kruys a gana e wega i e mes a bati di 2-2.
Marlins a dal 6 hit i hasi 3 eror. Froilan Grotestam tabata e picher pèrdèdó. Juan Carlos Valera a bati di 2-2. Bienvenido Martinez di 1-1.
Isla Crackers 4, Marchena Stars 3
Isla Crackers a dal 6 hit i kometé 2 eror. Rainir Martis tabata e picher ganadó i Dave Janga a bati di 3-2.
Marchena Stars a dal 3 hit i hunga sin eror. Vernon Pieternella tabata e picher pèrdèdó i e mes a bati di 1-1.
Santa Maria Pirates 14, Vosama 4
Santa Maria Pirates a konektá 11 hit i kometé 1 eror. Amador Nita tabata e picher ganadó. Bertrand Peters a bati di 3-3. Vosama a bati 5 hit i hasi 1 eror. Guillermo Valerio tabata e picher pèrdèdó. Rochardo Davelaar a bati di 1-1.
INFORMASHON DI S0FTBÒL I BEISBOL
Fanátikonan di Deporte Kòrsou bonochi. Siman ku hopi notisia atrobe. Djaweps mester tabatin wega number 2 di e play-off 40+ di Sòftbòl entre ekiponan Crazy Tigers i Gamers. Crazy Tigers a dal Gamers duru ku skor di 15 pa 2 den wega number 1 di e play-off semi-final. E wega a keda suspendé pa motibi di blackout. Beisbòl Veterano ta sigi kayente wikènt awor kaminda un invikto lo mester kai. Djadumingu mèrdia 1’or Quality Stars kampion di Beisbòl Veterano lo topa ku Santa Maria Pirates ku tabata supkampion di temporada 2022. E dos ekiponan menshoná ta dominá Beisbòl Veterano e último 3 añanan. E dos ekiponan menshoná tin rèkòrt di 2-0.
* * * * *
Standing den Beisbòl Veterano ta Quality Stars 2-0, Santa Maria 2-0, Santa Rosa 2-0. Jandoret 2-0, Azucar 1-1, Isla Crackers 1-1. The Brothers 1-1, Vosama 1-1. Marchena Stars 0-2, Marlins 0-2, Otrabanda 0-2 i Yesterday 0-2. Lidernan despues di dos wega ta Bertrand Peters di Santa Maria i Rochardo Davelaar ku tin avg. di 1000. Bertrand Peters ta di 5-5 ku 2 homerun i 8 RBI den dos wega. Richardo Davelaar a risibí solamente dos turno ofishal den 5 aparishon na plato pa un average di .1000. Pa un hungadó bira kampion bate e mester tin por lo menos 40 aparishon na plato. Bertrand Peters (Santa Maria) ta lider den RBI ku 8, sigí pa Chervin Maduro di Jandoret ku tin 6 kareda empuhá. Tene kuenta ku ta dos wega tur ekipo a hunga.
* * * * *
Pa loke ta trata picheo varios picher tin ERA di 0.00. Nan ta Edword Felix (Quality Stars), Nelson Reineta (Azucar), Raymy Cicilia (Santa Rosa), Ramses Jamanika (Santa Rosa), Rainer Martis (Isla Crackers). Raimy Cicilia di Santa Rosa Memories ta lider den ponche tirá. Ela tira 5 inning djasabra último kontra di ekipo Azucar i tira 11 ponche. Raylan Capella di Jandoret Raiders tin 7 ponche i Amador Nita di Santa Maria 6 ponche tirá. En todo kaso weganan pa wikènt benidero den Beisbòl Veterano ta djasabra 10 di yüni, Marchena Stars vs Yesterday, 13.00 Azucar – Isla Crackers , 14.30 Santa Rosa Memories – The Brothers. Djadumingu 10.30 Jandoret Raiders – Vosama, 13.00 Quality Stars – Santa Maria. 15.30 Marlins – Otrabanda Veterano.
* * * * *
Resultadonan di e wikènt pasá ta djasabra 3 di yüni, Quality Stars 9 - Veterano Otrabanda 3, Jandoret Raiders 23 - Yesterday 2. Santa Rosa Memories 7 - Azucar 1. Djadumingu 4 di yüni, The Brothers 8 - Marlins 7, Isla 4 - Marchena Stars 3, Santa Maria Pirates 14 - Vosama 4. Beisbòl Veterano a la karga den 2023 ku varios hungadó nobo ku nèt 40 aña. Hungadónan manera Bertrand Peters, Rayshal Francisca, Gedeon Sambo, Andley Simmons ets. E hungadónan aki tin nèt 40 aña i vários di nan a hunga ku selekshon Senior na 1999. Pa esnan ku a bira mas grandi Liga 50 di Beisbòl Veterano ta pendiente pa start den di dos buelta.
* * * * *
Liga Di Nos Tur ta bai start djabièrnè 16 di yüni na Frank Curiel Ballpark. Ekipo super kampion Un Kara ta faborito atrobe pa bai ku e título. By the way, ekipo Los Amigos a bolbe bira kampion i ta di dos torneo sigí ku ekipo Los Amigos ta bira kampion. Gran faborito pa bai final den Liga 60+ despues di algun aña di ousensia den final. Ekipo Nos Tambe Por un tempu super kampion ta bai bèk den nan seno pa wak kiko ta pasando. Resultadonan di e fecha final ta Jaws 9 - Nos Tambe Por 3. Pitufos a gana Lions 5-3. Los Amigos a dal Sluggers 7-4 i bira kampion di Torneo Lions.
* * * * *
Temporada 60+ Sòftbòl ta start djadumingu 11 di yüni ku 3 wega na Frank Curiel Ballpark. Promé wega ta 11.00’or entre Nos Power i Los Amigos. Despues ta Nos Tambe Por kontra di Jaws pa 1’or pm ku ta wega kandela. Supkampion i kampion di temporada 2022. Den e último wega di e fecha di apertura pa 3’or pm ekipo Sluggers lo topa ku Pitufos. Rudy Brunken ta hopi kontentu kon 70+ a move djasabra último. E wega a bai 5 inning i tur hende a keda kontentu. E solo si tabata hopi fuerte i a para e wega. Den dianan benidero nos tin mas detaye. Nos ta keda te aki pa awe.
