Quality ta gana Isla Crackers i Jandoret ta blankiá Marchena stars

WILLEMSTAD – Beisbòl Veterano a sigi wikènt pasá na Tio Daou Ballpark. E fin di siman aki ta bai bèk Vi Jansen Ballpark. Mester bisa ku tabatin varios homerun den fin di siman. Merieldo Trinidad, Erling ‘Pacheo’ Gosepa, Eldred Estanista i Ramiro Balentina a dal homerun. Quality a gana Isla Crackers 7-4 riba grandslam di Merieldo Trinidad. Jandoret Raiders a gana Isla Crackers riba tremendo picheo di Orsendo Clemencia i homerun di Erling Gosepa. Nos tin resultado di tur wega. E wikènt aki ta Jandoret vs Isla i  Santa Rosa  / Bulldogs.

RESULTADONAN
Djasabra 8 di ougùstùs
Azucar 12, Bulldogs 5
Azucar a dal 10 hit i nan a kometé 1 eror. Edmiro Chirino a gana. Jeniver Mook a bai di 1-1. Pa Bulldogs 4 hit sin eror. Emilio Lugo a pèrdè i Ian Leito a bai di 1-1.

The Brothers 7, Marlins 5
The Brothers tabatin 7 hit ku 2 eror. Wendell v/h Kruys tabata ganadó. David Rodriguez a bai di 2-2. Reinaldo Elcock a konektá 1 homerun. Marlins a bati 4 hit i nan a hunga sin eror. Ramon Cabrera a resultá pèrdèdó. Shannon Kleinmoedig a bai di 2-1.

Quality ta sigi gana den Beisbòl Veterano. E ekipo ta invikto

Quality Stars 9, Isla Crackers 4
Quality Stars a dal 9 hit i nan  kometé 1 eror. Reinold Anderson a gana. Merieldo Trinidad i Dayron Puriel, ámbos a bai di 1-1. Merieldo Trinidad a konektá 1 homerun.  Pa Isla 6 hit ku 1 eror. Faisel Pereira a pèrdè. Dennis D’Arnault a bai di 2-2.

Beisbol Veterano lo bai bèk karga ku mabiente den stationnan na Vi Jansen Ballpark.

Djadumingu 9 di ougùstùs
Jandoret Raiders 8, Marchena Stars 0
Jandoret tabatin 10 hit i nan a hunga sin eror. Orsendo Clemencia tabata picher ganadó. Erling Gosepa a bai di 2-2 i e mes a konektá 1 homerun.  Pa Marchena Stars 2 hit ku 2 eror. Raymond Soerka a resultá pèrdèdó. Jair Josepha a bai di 1-1.  

Santa Maria Pirates 16, Otrabanda 0
Santa Maria a dal 10 hit i nan a kometé 2 eror. William Balentina a bai ku e viktoria. Robert Anastacia a bai di 3-3 i Irving Sambo di 2-2. Ramiro Balentina i Eldred Estanista, ámbos a konektá 1 homerun. Otrabanda tabatin 2 hit ku 2 eror.  Gregory Mathilda a karga ku e derota. Richard Campagnard i Lindsie Maccow a bai di 1-1.

Vosama 5, Yesterday 3
Vosama tabatin 5 hit ku 4 eror. Xaviero Avastia a gana. Ryan Emperador a bai di 3-2. Pa Yesterday 5 hit ku 2 eror. Ramiro Victoria a pèrdè. Alexander Martina a bai di 2-2.