RBC ta sigi apoyá desaroyo di Hubentut di Kòrsou
RBC Royal Bank pa di 23 aña siguí ta firma kontrakt ku tres liga di Little League
WILLEMSTAD - Djaweps, 13 di aprel 2023 RBC Royal Bank a firma kontrakt di spònser ku Liga Pabou, Liga Pariba i Liga Willemstad di Little League Beisbòl. Ta di 23 aña konsekutivo ku RBC Royal Bank ta spònser Little League Beisbòl. Aña pasá RBC Royal Bank tabata di fiesta atrobe na momentu ku nos a logra bira kampion regional den 4 divishon i Kampion Mundial (internashonal) den Little League. Selekshon Little League Pabou a bira supkampion di Mundu (kampion internashonal) i pone Kòrsou haña atenshon rònt Mundu atrobe.
“RBC tin un historia largu i sólido den Karibe i e banko ta orguyoso di e relashonnan ku nos a forma den e komunidat, in partikular ku Curaçao Little League Beisbòl. Nos hóbennan ta kontribuí pa yega na un miho Kòrsou. Komo parte di RBC su vishon, e banko ta sigui invertí den Beisbòl Little League ku ta yuda forma nos hóbennan komo siudanonan ejemplar i lidernan di futuro. Awe nos ta firma e kontrakt di spònsor pa formalisá un biaha mas nos apoyo na Little League Beisbòl. Nos ta orguyoso riba nos apoyo di 23 aña konekutivo i ta un rekonosimientu pa e peloteronan hoben i tur e boluntarionan ku ta forma parte di Little league. Ora logra kampionatonan ta algu èkstra naturalmente ku nos tur ta orguyoso di dje. Asina a bisa Pierrot Hurtado, Managing Director di RBC.
Representantenan (Presidente) di e diferente liganan, District Administrator i RBC Royal Bank a firma e kontrakt durante un enkuentro ku Prensa na ofisina prinsipal di RBC Royal Bank na Rooi Catootje.
E aña aki lo tin un kampionato di Junior i Senior League na Kòrsou. Junior (13-14 aña) ta di 16 pa 23 di yüli i Senior (15-16) ta di 25 di yüni pa 2 di yüli.
Ta trata aki di e kampionato Latino Americano di Junior League i di Karibe di Senior League. Aki tambe RBC Royal Bank ta duna su aporte finansiero.
RBC Royal Bank den su afan pa yuda forma Hubentut komo nos futuro di mayan ta sigui spònser Beisbòl Little League. RBC Royal Bank ta sumamente orguyoso di ta un patrosinadó prinsipal yudando mas ku 1200 hóben ku ta praktikando e deporte Beisbòl.
E filosofia di Little League ta kuadra ku e filosofia di RBC Royal Bank, esta formashon di hóbennan ku ta e pilánan di desaroyo di nos pais.
PATROSINADO
E kontribushon (spònser) di RBC Royal Bank ta destiná entre otro, pa kubri gastunan relashoná ku representashon den eksterior, material, drechamentu di tereno, seminario i unifòrm. Mester apuntá ku for di aña ku RBC Royal Bank a kuminsá patrosiná Little League, éksitonan den eksterior a kuminsá:
2002 Senior Kampion Mundial;
2004 Little League Kampion Mundial;
2008 Junior League Kampion Mundial;
2018 Senior League kampion Mundial;
2005, 2019 i 2022 supkampion Mundial Little League;
Den semi-final di Kampionato Mundial Senior League 2003;
Semi-final di Mundial Little League 2001, 2002, 2003, 2005 i 2007;
Ganadó kampionato di Karibe i partisipashon den Mundial di Little League na Williamsport di 2001 te ku 2009 i despues na 2012, 2019 i 2022 tambe.
2014 Ganadó di kampionato Latino Americano den divishonnan Junior, Senior i Intermediate;
2015 Kampion Junior i Senior;
2016 Kampion Intermediate i Big League;
2017 Kampion Klásiko Latino di Beisbòl Hubenil;
2022 Kampion di Latino/Karibe den kategoríanan Minor, Little, Junior i Senior.
EVENTONAN
Próksimo eventonan lo ta Konferensia di Prensa en konekshon ku play-off djaluna 24 di aprel.
Apertura ofishal di play-off Little League di spònser pa RBC Royal Bank lo ta djarason 26 di aprel pa 7’or di anochi den Frank Curiel Ballpark.
RBC Royal Bank dunando aporte na desaroyo di Hubentut di Kòrsou ku konsistensia!!
